Si ra në pranga lideri i kartelit Sinaloa, nga çfarë u josh

27 Korrik 2024, 10:05, Kosova & Bota CNA

Si ra në pranga lideri i kartelit Sinaloa, nga çfarë u josh

Ismael Zambada Garcia, i njohur më mirë si "El Mayo" dhe Joaquin Guzman Lopez

Ismael 'El Mayo' Zambada është një nga emrat më famëkeq në historinë trafikut të drogës, sinonim i fuqisë së frikshme dhe ndikimit të jashtëzakonshëm në kartelit më të rëndësishëm të drogës në botë.

I fundit i një gjenerate të liderëve të kartelit të drogës, ai krijoi Kartelin Sinaloa së bashku me Joaquin 'El Chapo' Guzman nga "mbetjet" e Kartelit Guadalajara.

Por ndryshe nga partneri i tij famëkeq i cili u burgos dy herë dhe u arratis, El Mayo iu shmang kapjes për rreth 35 vjet. Autoritetet amerikane e arrestuan atë të enjten në El Paso, Teksas, raporton BBC.

Ai u josh në SHBA si pjesë e një operacioni të përpunuar, të organizuar nga djali i ish-partnerit të tij, El Chapo. Joaquin Guzman Lopez, një nga trashëgimtarët e operacionit të El Chapo-s, u arrestua së bashku me Zambada duke e shtyrë atë të besonte se po udhëtonte në veri të Meksikës për të parë pronat e mundshme për pista ajrore klandestine.

"A jeni i shqetësuar se mos kapeni nga autoritetet?". Zambada u pyet në vitin 2010 nga gazetari i ndjerë meksikan, Julio Scherer García, i cili kishte udhëtuar thellë në male për një intervistë të paprecedentë me bosin e drogës.

“Ideja për t'u burgosur më shkakton panik", u shpreh ai.

Për dikë që ka treguar kaq kujdes gjatë kaq shumë vitesh, duket e jashtëzakonshme që Zambada u mashtrua në moshën 76-vjeçare.

Arrestimet dhe marrëveshja e mundshme për pranimin e fajësisë mes djemve të El Chapo, të njohur si Los Chapitos, dhe qeverisë amerikane – shtrojnë pyetjen se kush do të marrë kontrollin e kartelit Sinaloa.

Pasi El Chapo Guzman u arrestua dhe u ekstradua në SHBA në vitin 2016, filloi një raund gjakderdhjeje pasi fraksionet rivale luftuan për kontrollin e territorit, si dhe luftuan bandat kundërshtare të drogës që ndjenin dobësi.

Akoma më tronditëse dhe më e dhunshme ishte përgjigja e anëtarëve të kartelit Sinaloa kur udhëheqësi i tyre, Ovidio Guzman Lopez, u arrestua në tetor 2019.

Pasi ai u arrestua, qindra persona të armatosur zbritën në qytetin e Culiacan dhe hapën zjarr ndaj objektivave civilë, policorë dhe ushtarakë me armë të kalibrit 50 dhe raketahedhës. Përfundimisht, autoritetet ia dorëzuan Ovidio Guzman përsëri te njerëzit e tij për t'i dhënë fund luftimeve. Më vonë ai u arrestua sërish, u ekstradua dhe aktualisht është në pritje të gjykimit në një burg amerikan.

Operacioni ishte planifikuar për muaj të tërë. Megjithatë, disa raporte thonë se kreut i kartelit të drogës mund të jetë mashtruar nga personat e tij të afërt.

“Fentanyl është kërcënimi më vdekjeprurës me të cilin është përballur ndonjëherë vendi ynë. Nuk do të pushojmë derisa çdo lider i kartelit, anëtar dhe bashkëpunëtor i vetëm përgjegjës për helmimin e komuniteteve tona të mbahet përgjegjës”, u shpreh Prokurori i Përgjithshëm i SHBA Merrick Garland në një video-mesazh që konfirmonte arrestimet.

Mbidozat e fentanilit janë tani shkaku kryesor i vdekjes për amerikanët e moshës 18 deri në 45 vjeç. Ë

Si Los Chapitos ashtu edhe El Mayo kanë bërë miliarda nëpërmjet fentanilit, i cili është i lehtë për t'u prodhuar dhe transportuar pa pasur nevojë për plantacione të mëdha koka në Ande si me prodhimin e kokainës.

Ekspertët thonë se mbyllja e kontrabandës së fentanilit është praktikisht e pamundur. Ajo është thjesht shumë fitimprurëse për kartelet dhe shumë e copëtuar në peizazhin modern të luftës së drogës në Meksikë.

Megjithatë, zbatimi i ligjit në SHBA dëshiron të dëmtojë kartelet që e prodhojnë atë, të zvogëlojë ndikimin e tyre dhe, kudo që të jetë e mundur, të shpërbëjë udhëheqjen e tyre./CNA