web counter
LEXO PA REKLAMA!

SHKARKO APP

App Store
Google Play

Shpërthim i madh në një klub nate në Këln/ Plagoset një person

16 Shtator 2024, 10:46, Kosova & Bota CNA

Shpërthim i madh në një klub nate në Këln/ Plagoset

Një shpërthim ka tronditur qendrën e Këlnit në Gjermaninë Perëndimore këtë të hënë.

Shpërthimi ndodhi në hyrje të klubit të natës Vanity në zonën Hohenzollernring, e njohur si një lagje kryesore argëtuese e Këlnit, rreth orës 5:50 të mëngjesit me orën lokale, tha një zëdhënës i policisë për "NBC News".

Policia tha se nga ngjarja mund të jetë lënduar lehtë të paktën një person.

Disa dritare xhami me sa duket shpërthyen gjatë ngjarjes "dhe ka të ngjarë të kenë dëmtuar më shumë njerëz, nëse shpërthimi do të kishte ndodhur më vonë," tha zëdhënësi.

Autoritetet lokale thanë në një postim në "X" të hënën se një operacion "i madh" policor po zhvillohet pasi ata u kërkuan banorëve të shmangnin zonën e Hohenzollernring.

Shkaku i shpërthimit nuk është bërë ende i ditur.

Policia tha për "NBC News" se zona është nën mbikëqyrjen e kamerave të sigurisë dhe se pamjet do të jenë pjesë e hetimit në vazhdim./ CNA





Lajmet e fundit nga