web counter
LEXO PA REKLAMA!

SHKARKO APP

App Store
Google Play

SHBA, 283 kilometra katrorë sipërfaqe për prodhimin e energjisë së pastër

28 Korrik 2023, 22:42, Kosova & Bota CNA

SHBA, 283 kilometra katrorë sipërfaqe për prodhimin e

Departamenti amerikan i Energjisë njoftoi të premten se do të shfrytëzojë hapësirën që përdorte gjatë Luftës së Ftohtë për prova me bomba bërthamore, që të ndërtojë parkun më të madh në vend për prodhimin e energjisë elektrike të përftuar nga energjia diellore. Agjencia njoftoi se do të shfrytëzojë zona dhe toka të tjera në pronësi të saj për projekte të prodhimit të energjisë së pastër.

Departamenti i Energjisë tha se për projektet në fjalë do të shfrytëzohen rreth 283 kilometra katrorë sipërfaqe toke në pesë shtete amerikane, një pjesë e madhe e së cilës është shfrytëzuar për qëllime të sigurisë kombëtare. Projektet përfshijnë prodhimin e energjisë elektrike nga burime bërthamore, nga dielli dhe era.

“Aktualisht, zonat e përcaktuara janë të sigurta dhe gati për zhvillimin e projekteve”, tha Sekretarja e Energjisë, Jennifer Granholm, gjatë një takimi në selinë e agjencisë në kryeqytetin amerikan.

Sekretarja Granholm prezantoi planin “Cleanup to Clean Energy” në përpjekjet për të kontibuar në arritjen e synimeve të Presidentit Joe Biden për energji elektrike të pastër.

Qeveria amerikane synon që pas vitit 2035 rrjeti elektrik të funksionojë me energji të pastër. Zyrtarët thanë se shumë nga zonat në fjalë tashmë kanë klientë për energjinë dhe forcë punëtore.

Në takim merrnin pjesë kompani të prodhimit të energjisë së rinovueshme, energjisë bërthamore si edhe pjesmarrës me përvojë në zbatimin e projekteve për energjinë e pastër elektrike, që prodhojnë të paktën 200 megavat.

Rreth viteve 1940, qeveria amerikane ndërtoi komplekse për prodhimin e plutoniumit dhe uraniumit për bomba bërthamore në bazë të Projektit Mabhattan.

Qeveria amerikane ka shpenzuar miliarda dollarë për pastrimin e zonave ku janë kryer prova dhe ndërtuar komponentë për bombat bërthamore./ VOA





Lajmet e fundit nga