Rrëzimi i projektligjit për mbrojtjen e gazetarëve/ Zhupa: Arsyetimi absurd, maxhoranca ka fobi propozimet e opozitës

18 Tetor 2023, 17:54, Kosova & Bota CNA

Rrëzimi i projektligjit për mbrojtjen e gazetarëve/ Zhupa:

Deputeja e Partisë Demokratike, Ina Zhupa

Deputeja e Partisë Demokratike, Ina Zhupa ka reaguar pas rrezimit të porjektligjit të propozuar prej saj që i garantonte mbrojtje gazetarëve kur goditen dhe dhunohen për shkak të detyrës.

Sipas Zhupës arsyetim për rrëzimin e këtij projektligji ishte absurd, që këtë mbrojtje mos t’ja u garantoj ligjvënësi në mënyrë të barabartë për të gjithë por ta lërë në gjykime individuale të gjyqtarëve.

Sipas saj kjo maxhorancë ka fobi nga gazetarët e lirë dhe nga propozimet e opozitës, kartonin dhe dorën e ngrejnë vetëm pro qeverisë.

Postimi i plotë:

Mazhoranca rrëzoi sot në komisionin e ligjeve, projektligjin e propozuar nga unë, që i garantonte mbrojtje gazetarëve kur goditen dhe dhunohen për shkak të detyrës.

Pavarësisht se propozimi im ligjor mbështetet në rekomandimet e organizatave ndërkombëtare për lirinë e medias, në raportet e Komitetit Shqiptar të Helsinkut, në raportet e Safe Journalist; Pavarësisht se Shoqatat e gazetarëve dhe gazetarët të pyetur nga Zëri i Amerikës por edhe në biseda me mua e kanë përshendetur nismën si pozitive për ta ata e rrëzuan pa asnjë argument llogjik.

Argumenti i vetëm ishte se gjyqtarët vetë do e dinë që ata janë gazetar dhe do përdorin rrethanat e rënduara për shkak të profesionit të tyre. Arsyetim absurd, që këtë mbrojtje mos t’ja u garantoj ligjvënësi në mënyrë të barabartë për të gjithë por ta lërë në gjykime individuale të gjyqtarëve.

Fatkeqësisht vitet e fundit, mjaft gazetarë, sidomos ata të kronikës dhe investigativ janë larguar nga Shqipëria për të kërkuar azil jashtë vendit për shkak të kërcënimeve që kanë marr. Shumë gazetar janë goditur, janë dhunuar, janë kërcënuar dhe janë sulmuar edhe me armë drejtt banesave të tyre. Gazetarët duhet të shikohen si aktor në shërbim publik dhe kërkues të së vërtetës dhe duhen trajtuar me mbrojtje të vecantë nga ligjvënësi.

Ndryshimet ligjore që unë propozova përmirësonin Shqipërinë në indikatorët e raporteve kombëtare dhe ndërkombëtare, përmirësonin klimën e punës për gazetarët dhe mbrojtjen e tyre, shkurajonin ata që shikojnë gazetarët si armiq.

Kjo maxhorancë ka fobi nga gazetarët e lirë dhe nga propozimet e opozitës, kartonin dhe dorën e ngrejnë vetëm pro qeverisë./ CNA