web counter
LEXO PA REKLAMA!

SHKARKO APP

App Store
Google Play

"Pres ta takoj në Davos këtë javë"/ Shefi i NATO-s zhvillon bisedë telefonike me Trump për Groenlandën

18 Janar 2026, 18:55, Kosova & Bota CNA

"Pres ta takoj në Davos këtë javë"/ Shefi i NATO-s

Shefi i NATO-s, Mark Rutte, ka njoftuar sot se ka zhvilluar një bisedë telefonike me Presidentin e SHBA-së, Donald Trump, në lidhje me Groenlandën. Në reagimin e tij, Rutte shprehet se më vonë gjatë javës do të takohet me Trump në Davos. 

“Fola me Presidentin e SHBA-së në lidhje me situatën e sigurisë në Groenlandë dhe Arktik. Ne do të vazhdojmë të punojmë për këtë dhe mezi pres ta shoh në Davos më vonë këtë javë”, shkroi Rutte në një postim në platformën “X”.

Disa shtete anëtare të NATO-s kanë sugjeruar se përpjekja e Trump për të zotëruar Groenlandën kërcënon të gjithë aleancën e NATO-s.

Ndërkohë një ditë më parë, presidenti amerikan, Donald Trumpo njoftoi se do të vendosë tarifa të reja për një sërë vendesh evropiane që eksportojnë mallra në SHBA, duke filluar nga 1 shkurti.

Trump tha se këto do të mbeten në fuqi derisa të arrihet një marrëveshje për blerjen e plotë dhe totale të Groenlandës nga SHBA-të.

Në postimin e tij në Truth Social, Trump u shpreh se vendeve si Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda do t'u ngarkohet një tarifë prej 10% për çdo mall të dërguar në SHBA. Më 1 qershor, kjo do të rritet në 25%, ka njoftuar presidenti amerikan. /CNA





Lajmet e fundit nga