web counter
LEXO PA REKLAMA!

SHKARKO APP

App Store
Google Play

Përfshihet nga zjarri qendra tregtare në Pakistan/ Shënohen gjashtë viktima, zjarrfikësit në luftë me flakët

18 Janar 2026, 16:20, Kosova & Bota CNA

Përfshihet nga zjarri qendra tregtare në Pakistan/ Shënohen

Një qendër tregtare në qytetin pakistanez të Karaçit është përfshirë nga zjarri duke lënë të vdekur gjashtë persona.  Sipas raportimeve, një zjarrfikës është midis viktimave, ndërsa më shumë se 20 persona janë plagosur.

Ndërkohë dyshohet se brenda qendrës tregtare shumëkatëshe ka ende persona të bllokuar. Pjesë të qendrës tregtare, Gul Plaza, që përmbajnë 1,200 dyqane dhe shtrihen në 8,000 metra katrorë, janë shembur dhe kjo sipas oficerëve vendas po pengon përpjekjet e kërkim-shpëtimit.

Në vendin e ngjarjes janë angazhuar 20 automjete zjarrfikëse që po punojnë të vëne nën kontroll flakët, por ka shqetësime se qendra tregtare mund të shembet më shumë.

Presidenti i Pakistanit Asif Ali Zardari shprehu ngushëllimet e tij dhe i kërkoi qeverisë së provincës Sindh, ku ndodhet edhe selia e Karaçit, të kryejë një shqyrtim gjithëpërfshirës të masave të sigurisë në ndërtesat tregtare dhe të banuara në të gjithë zonën. /CNA





Lajmet e fundit nga