web counter
LEXO PA REKLAMA!

SHKARKO APP

App Store
Google Play

Lideri suprem i Iranit e pranon: Mijëra njerëz janë vrarë gjatë protestave të fundit

17 Janar 2026, 15:47, Kosova & Bota CNA

Lideri suprem i Iranit e pranon: Mijëra njerëz janë vrarë

Udhëheqësi suprem i Iranit ka pranuar për herë të parë publikisht se mijëra njerëz janë vrarë, disa prej tyre në mënyrë çnjerëzore, gjatë protestave të fundit që kanë përfshirë vendin prej disa javësh.

Sipas Agjencisë së Lajmeve të Aktivistëve të të Drejtave të Njeriut (HRANA) me seli në SHBA, gjatë trazirave që filluan më 28 dhjetor, 3,090 persona kanë humbur jetën nga reagimi i dhunshëm i autoriteteve.

Ndërkohë në një fjalim të shtunën, Ayatollah Ali Khamenei tha se mijëra njerëz ishin vrarë gjatë trazirave, duke fajësuar për vdekjet ato që ai i quajti "rebelët".

Presidenti i SHBA-së, Donald Trump, kohët e fundit u bëri thirrje demonstruesve antiqeveritarë iranianë që të vazhdojnë të protestojnë dhe kërcënoi me ndërhyrje ushtarake nëse forcat e sigurisë i vrasin.

Që atëherë, protestat janë shndërruar në thirrje për t'i dhënë fund sundimit të udhëheqësit suprem të Iranit. Qeveria iraniane i ka cilësuar demonstratat trazira të mbështetura nga armiqtë e Iranit.

Gjatë fjalimit të tij të shtunën, Khamenei tha gjithashtu se Irani e konsideronte Presidentin Trump një “kriminel” dhe tha se SHBA-të duhet të “mbahen përgjegjëse” për trazirat e fundit.

Trump ende nuk i është përgjigjur udhëheqësit suprem iranian. Departamenti i Shtetit i SHBA-së tha sot se kishte dëgjuar raportime se Republika Islamike po përgatit mundësi për të synuar bazat amerikane.

DASH deklaroi se Irani do të përballej me një forcë shumë të fuqishme nëse do të niste një sulm të tillë dhe e paralajmëroi Teheranin "të mos luante lojëra me Presidentin Trump". /CNA





Lajmet e fundit nga