web counter
LEXO PA REKLAMA!

SHKARKO APP

App Store
Google Play

Kërcënimet e Trump për Groenlandën/ Politikani gjerman: Bojkotimi i Kupës së Botës mund të jetë zgjidhje

17 Janar 2026, 22:47, Kosova & Bota CNA

Kërcënimet e Trump për Groenlandën/ Politikani gjerman:

Një politikan gjerman ka sugjeruar se bojkoti i Kupës së Botës 2026 në Shtetet e Bashkuara, Kanada dhe Meksikë mund të jetë një "zgjidhje" për kërcënimet e presidentit amerikan Donald Trump kundër Groenlandës.

Presidenti i SHBA-së, Donald Trump, është shprehur vazhdimisht se vendi i tij duhet të blejë Groenlandën, ishullin më të madh në botë, për arsye sigurie kombëtare.

Kërkesa e tij është kundërshtuar nga udhëheqësit e Groenlandës dhe nga anëtarja e NATO-s, Danimarka , ishulli i së cilës është një territor gjysmë-autonom. Ndërkohë, Trump nuk e ka përjashtuar përdorimin e forcës ushtarake për të arritur qëllimet e tij.

Mes polemikave të vazhdueshme, SHBA-të po përgatiten të presin Kupën e Botës në futboll këtë verë, megjithëse ekspertët paralajmërojnë se pjesëmarrja e disa vendeve mund të rrezikohet si rezultat i përshkallëzimit të tensioneve politike dhe ushtarake.

Në komentet për gazetën gjermane BILD, Jurgen Hardt (CDU), një politikan i Bashkimit Kristian Demokrat tha se një bojkot do të ishte në përgjigje ndaj kërcënimeve të Trump kundër Groenlandës.

"Braktisja e turneut të Kupës së Botës do të konsiderohej si zgjidhja e fundit në mënyrë që Trump të vijë në vete për çështjen e Groenlandës", tha ai, përpara se të theksonte se Trump e ka bërë të qartë "sa e rëndësishme është ky kampionat për të".

Hardt është politikani i parë i lartë që sugjeron fjalën "bojkot" lidhur me çështjen. 

Që nga themelimi i saj në vitin 1930, kombëtarja e Gjermanisë ka humbur vetëm dy Kupa Bote. Ata nuk morën pjesë në turneun e parë të vitit 1930 dhe u përjashtuan nga edicioni i vitit 1950 pas Luftës së Dytë Botërore.

Duke lënë futbollin mënjanë, Gjermania Perëndimore bojkotoi Lojërat Olimpike Verore të Moskës në vitin 1980 , duke iu bashkuar protestës kundër pushtimit sovjetik të Afganistanit. /CNA





Lajmet e fundit nga