web counter
LEXO PA REKLAMA!

SHKARKO APP

App Store
Google Play

Pas trazirave, Franca ndalon blerjen e fishekzjarreve për Ditën e Bastiljes

9 Korrik 2023, 21:00, Kosova & Bota CNA

Pas trazirave, Franca ndalon blerjen e fishekzjarreve për Ditën e

Franca ka ndaluar shitjen, posedimin dhe transportin e të gjitha fishekzjarrëve gjatë festimeve të ardhshme të Ditës së Bastiljes.

Qeveria nxori një dekret të dielën që ndalon "artikujt piroteknikë" për festimet e 14 korrikut që shënojnë ditën kombëtare të Francës.

Masa vjen pas trazirave të shkaktuara nga vrasja e muajit të kaluar nga vrasja e 17-vjeçarit Nahel M nga policia në Nanterre.

Megjithatë, ndalimi nuk zbatohet për shfaqjet zyrtare të fishekzjarreve të organizuara nga autoritetet lokale.

“Për të parandaluar rrezikun e shqetësimeve serioze të rendit publik gjatë festimeve të 14 korrikut, shitja, mbajtja, transporti dhe përdorimi i artikujve piroteknikë dhe fishekzjarrëve do të ndalohet në territorin kombëtar deri më 15 korrik përfshirës”, thuhet në dekretin e publikuar në gazeta zyrtare franceze.

Fishekzjarret u përdorën në masë gjatë javës së trazirave.

Po ashtu edhe ngjarjet në sheshet dhe rrugët publike në mbrëmjen e Ditës së Bastilës janë ndërprerë shpesh në vitet e mëparshme nga të rinjtë që hedhin fishekzjarre.

Kryeministrja Élisabeth Borne tha se përveç kufizimeve për fishekzjarrë, do të vendoset një prani "masive" e sigurisë për të ruajtur paqen dhe "për të mbrojtur francezët gjatë këtyre dy ditëve të ndjeshme".

Ajo tha për gazetën Le Parisien se shumë njerëz ishin "mjaft të shqetësuar" për mundësinë e incidenteve të reja të dhunës gjatë festës kombëtare.

Më shumë se 3,700 njerëz u arrestuan nga policia në lidhje me protestat e fundit, duke përfshirë të paktën 1,160 të mitur, sipas shifrave zyrtare.

Dita e Bastiljes nënkupton fillimin e Revolucionit Francez, më shumë se 200 vjet më parë./ CNA





Lajmet e fundit nga