web counter
LEXO PA REKLAMA!

SHKARKO APP

App Store
Google Play

E fundit!

x

Pas rastit në Turqi/ Tërmet edhe në jug të Kretës

3 Qershor 2025, 17:36, Kosova & Bota CNA

Pas rastit në Turqi/ Tërmet edhe në jug të Kretës

Një tërmet ndodhi pak pas orës 14:00 në zonën detare të Ierapetrës, Kretë. Konkretisht, sipas Institutit Gjeodinamik të Athinës, tërmeti kishte një magnitudë prej 5.3 ballë sipas shkallës Rihter.

Tërmeti kishte një thellësi fokale prej 9.2 kilometrash dhe ndodhi 14 kilometra në lindje të Chryssi, pranë Ierapetrës.

Siç i tha për të përditshem greke ‘Kathimerini’, Drejtori i Kërkimeve në Institutin Gjeodinamik, Athanasios Ganas, tërmeti i mëngjesit në Rodos dhe tërmeti i pasdites në Kretë nuk duket se janë të lidhur me njëri-tjetrin, megjithatë, të dy janë pjesë e harkut grek, në anën e tij juglindore.

“Tërmeti i pasdites në Kretë gjithashtu nuk lidhet me tërmetin e vitit 2020, me magnitudë 6.6 të shkallës Rihter, që ndodhi në jug të Ierapetrës. Tërmeti i sotëm erdhi nga një çarje që nuk kishte prodhuar aktivitet sizmik në dekadën e fundit dhe nevojitet më shumë kohë për të vlerësuar potencialin e tij sizmik. Ndryshe nga tërmeti i mëngjesit në Rodos, tërmeti në Kretë ishte sipërfaqësor dhe ndodhi në një distancë prej 30 kilometrash nga Ierapetra”,-tha eksperti grek.

Profesori i Menaxhimit të Fatkeqësive Natyrore dhe president i OASP, Efthimios Lekkas, ky është një tërmet i pavarur nga ai i mëngjesit, 5.8 Rihter në zonën detare në veri të Rodosit, por edhe nga ai që ndodhi disa ditë më parë në Arkalochori, 4.3 Rihter./CNA





Lajmet e fundit nga