web counter
LEXO PA REKLAMA!

SHKARKO APP

App Store
Google Play

E fundit!

x

NATO bën thirrje për pesëfishimin e sistemeve europiane kundërajrore

3 Qershor 2025, 16:34, Kosova & Bota CNA

NATO bën thirrje për pesëfishimin e sistemeve europiane

NATO po u bën thirrje shteteve anëtare europiane që të pesëfishojnë aftësitë e tyre të mbrojtjes ajrore tokësore, ndërsa aleanca përpiqet të mbushë boshllëqet kritike në mbrojtjen e saj kundër Rusisë, sipas një raporti të Bloomberg, duke cituar burime të njohura me diskutimet.

Plani do të diskutohet nga ministrat e mbrojtjes në një samit të NATO-s në Bruksel të enjten.

Objektivi i pesëfishimit të rritjes vlen për të gjithë anëtarët europianë, me nivele të ndryshme për secilin vend. Ende nuk është caktuar një afat kohor i qartë.

Ministrat gjithashtu pritet të miratojnë këtë javë një nga angazhimet më ambicioze të rezervave të armëve që nga Lufta e Ftohtë.

Takimi i Brukselit është një përgatitje për samitin e liderëve më 24-25 qershor në Hagë.

Nevoja për të forcuar mbrojtjen ajrore territoriale konsiderohet urgjente, pasi ka të bëjë me mbrojtjen nga dronët, raketat dhe avionët luftarakë të gjeneratës së re.

“Nuk jemi në luftë, por as në paqe. Duhet të forcojmë parandalimin dhe gatishmërinë për veprim të plotë operacional”,-deklaroi Sekretari i Përgjithshëm i NATO-s, Mark Rutte.

Duke iu përgjigjur një pyetjeje, një zyrtar i NATO-s tha se mbrojtja ajrore dhe raketore, armët me rreze të gjatë veprimi, zinxhiri i furnizimit dhe forcat tokësore janë përparësi kryesore për Aleancën./CNA

 





Lajmet e fundit nga