web counter
LEXO PA REKLAMA!

SHKARKO APP

App Store
Google Play

E fundit!

x

Dështimi në zgjedhjet lokale/ Donald Tusk thërret votëbesimin ndaj qeverisë

2 Qershor 2025, 22:42, Kosova & Bota CNA

Dështimi në zgjedhjet lokale/ Donald Tusk thërret

Kryeminsitri i Polonisë, Donald Tusk tha se do të thërrasë një votëbesim ndaj qeverisë së tij në përpjekje për të siguruar mbështetje për koalicionin e tij pas një pengese të madhe në zgjedhjet presidenciale të Polonisë.

Në komentet e tij të para publike që nga shpallja e rezultatit të zgjedhjeve të së dielës , kryeministri u përpoq të rifitonte vrullin ndërsa premtoi të “fillonte punën” dhe të paraqiste një numër projektligjesh.

Duke përgëzuar mbështetësit e kandidatit të opozitës së djathtë, Karol Nawrocki, për fitoren e tij, Tusk tha të hënën se qeveria kishte një "plan emergjence" dhe u zotua se "nuk do të ndalet as për një moment" dhe të dyfishojë axhendën e tij legjislative.

Në një deklaratë televizive, ai tha do të kërkonte një votim parlamentar për të konfirmuar shumicën e tij.

Ky veprim dramatik nxjerr në pah pozicionin e vështirë të qeverisë ndërsa ajo përballet me pasojat e humbjes së garës për presidencën.

Tusk udhëheq një aleancë të partive pro-evropiane, ideologjikisht të larmishme dhe politikisht të brishtë, nga e djathta agrare te e majta socialdemokrate, e cila premtoi të përmbyste erozionin e kontrolleve dhe balancave demokratike që kishte shënuar sundimin tetëvjeçar të partisë Ligj dhe Drejtësi (PiS).

Pas 18 muajsh “bashkëjetese” të vështirë me presidentin në largim dhe aleatin e PiS-it, Andrzej Duda, qeveria kishte shpresuar që Rafa? Trzaskowski, një kryetar bashkie pro-evropian i Varshavës, do të fitonte zgjedhjet dhe do të hiqte kërcënimin e një vetoje presidenciale mbi legjislacionin progresiv.





Lajmet e fundit nga