web counter
LEXO PA REKLAMA!

SHKARKO APP

App Store
Google Play

Papa Françesku në spital/ Vatikani: Pësoi krizë në frymëmarrje

22 Shkurt 2025, 20:03, Kosova & Bota CNA

Papa Françesku në spital/ Vatikani: Pësoi krizë në

Zyra e shtypit e Vatikanit ka dhënë një njoftim mbi gjendjen shëndetësore të Papa Françeskut. Në njoftimin e dhënë thuhet se Ati i Shenjtë ka pësuar një krizë në frymëmarrje mëngjesin e sotëm.  Po ashtu thuhet se Papa Françesku kishte nevojë për një transfuzion gjaku pasi nga analizat rezultoi se kishte trombocitopeni, e shoqëruar me anemi. Vatikani thotë se ende nuk ka kaluar gjendja e rrezikut për Atin e Shenjtë.

 

“Zyra e Shtypit e Selisë së Shenjtë lëshoi ??përditësimin e mëposhtëm mjekësor për Papa Françeskun të shtunën në mbrëmje:

Gjendja e Atit të Shenjtë vijon të jetë kritike. Ndaj, siç u shpjegua dje, Papa nuk është jashtë rrezikut për jetën. Sot në mëngjes, Papa Françesku përjetoi një krizë respiratore të ngjashme me astmën me intensitet të zgjatur, e cila kërkonte administrimin e oksigjenit me fluks të lartë.

Nga analizat e sotme të gjakut rezultoi edhe trombocitopeni, e shoqëruar me anemi, e cila kërkonte dhënien e transfuzionit të gjakut.

Ati i Shenjtë qëndron vigjilent dhe e kaloi ditën në një kolltuk, megjithëse është më i pakëndshëm se dje. Për momentin, prognoza mbetet e mbrojtur”, thuhet në njoftim.

 

Kujtojmë që Papa Françesku ndodhet i shtruar në spitalin Gemelli në Romë prej disa ditësh si shkak i pneumonisë./ CNA

 

 





Lajmet e fundit nga