web counter
LEXO PA REKLAMA!

SHKARKO APP

App Store
Google Play

Papa Françesku nuk është ‘jashtë rrezikut’ për jetën/ Mjekët e Vatikanit tregojnë gjendjen

21 Shkurt 2025, 21:15, Kosova & Bota CNA

Papa Françesku nuk është ‘jashtë rrezikut’

Ekipi mjekësor i Vatikanit njoftoi sot se Papa Françesku “nuk është jashtë rrezikut, pasi Papa vazhdon të jetë në spital. Sergio Alfieri, shefi i ekipit mjekësor të Papës, tha se 88-vjeçari ishte një "pacient i brishtë", por ishte në "gjendje shpirtërore të mirë".

Gjatë një konference për shtyp të Vatikanit në Spitalin Gemelli të Romës, si Dr. Sergio Alfieri, kreu i ekipit mjekësor të spitalit Gemelli, ashtu edhe Dr. Luigi Carbone, mjeku referues i Papës në Vatikan, thanë se Ati i Shenjtë 88-vjeçar duhet të qëndrojë në spital për trajtim të përforcuar.

“Shtrimi në spital do të jetë aq kohë sa i duhet atij që të kthehet i sigurt në Santa Marta [rezidenca e tij në Vatikan]. Ai do të qëndrojë këtu të paktën gjatë gjithë javës së ardhshme. Ai është më mirë, por situata mund të ndryshojë. Këtu te Gemelli, ai është një pacient shumë i mirë.”-thanë mjekët.

Papa u shtrua në spitalin Poliklinik Agostino Gemelli të Romës të premten e kaluar pasi përjetoi simptoma të bronkitit për disa ditë.

Bronkiti në mushkëri i Papës u përkeqësua pas shtrimit të tij në spital një javë më parë dhe mjekët njoftuan të martën se ai kishte pneumoni të dyfishtë./CNA 

 





Lajmet e fundit nga