web counter
LEXO PA REKLAMA!

SHKARKO APP

App Store
Google Play

"Ora po ecën"/ Trump: SHBA ka gjithë kohën e botës për të arritur marrëveshje, por Irani jo

23 Prill 2026, 22:12, Kosova & Bota CNA

"Ora po ecën"/ Trump: SHBA ka gjithë kohën e botës

Presidenti amerikan Donald Trump ka deklaruar së fundmi se nuk është nën presion për të arritur shpejt një marrëveshje me Iranin për t'i dhënë fund luftës.

Në postimin e tij në Truth Social, Trump shkruan se koha favorizon Shtetet e Bashkuara të Amerikës dhe jo Iranin. Presidenti e përshkroi përsëri pozicionin ushtarak të Iranit si shumë të dobësuar.

Më tej shprehet se çdo marrëveshje për t'i dhënë fund luftës do të bëhej sipas kushteve të SHBA-së dhe afatit kohor të tij, duke theksuar se një marrëveshje do të arrihet vetëm "kur të jetë e përshtatshme dhe e mirë" për Shtetet e Bashkuara dhe për aleatët e saj. Në postimin e tij, Trump ka shprehur kritika edhe për mediat.

“Për ata njerëz, më të pakët në numër tani se kurrë më parë, që po lexojnë The Failing Neë York Times, ose po shikojnë lajme të rreme CNN, që mendojnë se unë jam "i shqetësuar" për t'i dhënë fund Luftës (nëse do ta quanit kështu!) me Iranin, ju lutem kini parasysh se unë jam ndoshta personi më pak i presionuar ndonjëherë që kam qenë në këtë pozicion.

Kam gjithë kohën e botës, por Irani jo - Ora po ecën! Arsyeja pse disa nga mediat po shkojnë kaq keq me shikuesit është sepse nuk kanë më besueshmëri. Marina e Iranit është në fund të detit, Forca e tyre Ajrore është shkatërruar, Armët e tyre Kundërajrore dhe Radari janë zhdukur, udhëheqësit e tyre nuk janë më me ne. Bllokada është hermetike dhe e fortë dhe, prej andej, vetëm përkeqësohet - Koha nuk është në anën e tyre! Një marrëveshje do të bëhet vetëm kur është e përshtatshme dhe e mirë për Shtetet e Bashkuara të Amerikës, aleatët tanë dhe, në fakt, për pjesën tjetër të botës”, thuhet në postimin e Trump. /CNA





Lajmet e fundit nga