web counter
LEXO PA REKLAMA!

SHKARKO APP

App Store
Google Play

Opozita nuk shkoi në Kuvend/ Shtyhet seanca për zgjedhjen e presidentit të Kosovës

28 Prill 2026, 11:13, Kosova & Bota CNA

Opozita nuk shkoi në Kuvend/ Shtyhet seanca për zgjedhjen e

Deputetët e opozitës bojkotuan seancën e sotme për zgjedhjen e presidentit të Kosovës. Si rezultat, kryeparlamentarja Albulena Haxhiu njoftoi shtyrjen e seancës për në orën 14:00.

"Opozita të vijë në seancë, nuk ka arsye për bojkot", u shpreh Haxhiu. 

Në rast se palët nuk dakordësohen për pasardhësin e Vjosa Osmanit, Kuvendi do të shpërndahet dhe brenda 45 ditësh Kosova do të zhvillojë zgjedhje të reja parlamentare.

Opozita vendosi të bojkotojë seancën e jashtëzakonshme të së hënës, ndërsa në sallë ishin të pranishëm vetëm 64 deputetë nga 80 që duhen për zhvillimin e seancës. Në votimin e fundit të zhvilluar mbrëmjen e së hënës, kandidaturat e Lëvizjes Vetëvendosje, Feride Rushiti mori 63 vota, ndërsa Hatixhe Hoxha nuk mori asnjë votë. Një votë u shpall e pavlefshme.

Ndërkohë, dy kandidatët fillestarë të Vetëvendosjes për postin e presidentit, Glauk Konjufca dhe Fatime Mulhaxha-Kollçaku, u tërhoqën zyrtarisht nga gara pas 2 raundeve të dështuara. Opozita e cilësoi seancën si një “spektakël politik”, ndërsa kryeministri Albin Kurti ua faturon atyre fajin e dështimit duke thënë se opozita nuk ka ndërmarrë asnjë iniciativë konkrete për zgjedhjen e presidentit të ri. /CNA





Lajmet e fundit nga