web counter
LEXO PA REKLAMA!

SHKARKO APP

App Store
Google Play

Opozita në Serbi, kërkesë BE-së: Merrni masa ndaj Vuçiçit

11 Tetor 2023, 15:57, Kosova & Bota CNA
Opozita në Serbi, kërkesë BE-së: Merrni masa ndaj
Aleksandër Vuçiç

Partitë opozitare në Serbi i kanë dërguar një letër Josep Borell ku shprehin shqetësimin për mundësinë e vendosjes së sanksioneve ndaj Serbisë për shkak të sulmit të 24 shtatorit.

Ata kanë kërkuar nga BE që të marrë masa ndaj Presidentit Aleksandër Vuçiç.

“Përgjegjësia politike dhe personale e Aleksandër Vuçiçit për situatën aktuale është e dukshme, prandaj, ndaj tij dhe aleatëve të tij më të afërt politikë duhet të vendoset çdo masë e mundshme”, shkruhet në letër.

Duke dënuar çdo përpjekje për zgjidhjen e problemeve politike me dhunë ata theksojnë gjithashtu një numër të madh të veprimeve të dhunshme dhe të pajustifikuara ndaj popullatës serbe në veri të Kosovës të ndërmarra nga qeveria e Albin Kurtit.

Sipas tyre, Vuçiç nuk duhet të gjenerojë mbështetje ndërkombëtare si bashkëbisedues ekskluziv. Për opozitën serbe, një qeveri demokratike është një parakusht për të kërkuar zgjidhje afatgjata për problemet komplekse, si në Kosovë, ashtu edhe për stabilitet dhe paqe më të gjerë në rajonin e Ballkanit Perëndimor./ CNA





Lajmet e fundit nga