web counter
LEXO PA REKLAMA!

SHKARKO APP

App Store
Google Play

Ngjarje makabre në Gjermani/ 44-vjeçari shtirej si dado, abuzoi seksualisht me 33 foshnja e fëmijë

1 Qershor 2022, 18:28, Kosova & Bota CNA
Ngjarje makabre në Gjermani/ 44-vjeçari shtirej si dado, abuzoi
Foto ilustruese

Një skandal i abuzimit me fëmijët në Këln të Gjermanisë ka marrë përmasa të mëdha në përmasa të papërshkrueshme.

Një 44-vjeçar nga qyteti Vermelskirchen ofronte shërbime për kujdesin e fëmijëve nëpërmjet internetit dhe më pas abuzonte seksualisht me to.

Prindërit e këtyre foshnjave nuk dyshonin aspak se çfarë po ndodhte në shtëpinë e tyre, pasi me sjelljen e tij, autori arrinte të fitonte besimin e tyre.

Pre e abuzimit të pedofilit gjerman kanë rënë 33 foshnja e fëmijë që nga viti 2005. Aktet e abuzimit seksual 44-vjeçari i regjistronte dhe i mbante në kompjuterin e tij.

Viktima më e vogël ishte një foshnjë një muajshe dhe pesë foshnja të tjera më të mëdhaja. Viktimat e abuzimit ishin kryesisht foshnja dhe fëmijë me aftësi të kufizuara.

Zyrtarët e organeve hetimore i kanë cilësuar aktet e autorit si “përdhunimet më brutale të foshnjave dhe fëmijëve të vegjël”.

 “Nuk kam hasur kurrë në një nivel të tillë barbarie çnjerëzore dhe indiferencë ndaj vuajtjeve të fëmijëve të vegjël, dhimbjeve dhe britmave të tyre dhe frikës së tyre të dukshme. Dhe kurrë nuk mund ta imagjinoja këtë”, është shprehur shefi i policisë së Këlnit, Falk Snaber.

“Për sa i përket mënyrës se si i akuzuari ka pasur kontakt me fëmijët, mund t’ju informoj se nga njëra anë fëmijët kanë ardhur nga mjedisi i tij i afërt, dhe nga ana tjetër, dhe kjo ka të bëjë me shumicën dërrmuese të fëmijëve të dhunuar, ekziston një pretendim se i akuzuari është ofruar me sukses si kujdestar fëmijësh përmes platformave përkatëse të internetit dhe më pas i ka kryer aktet në ambientet e familjes”, ka rrëfyer më tej Snaber./ B.A. – CNA.al





Lajmet e fundit nga