web counter
LEXO PA REKLAMA!

SHKARKO APP

App Store
Google Play

E fundit!

x

Nata e tretë radhazi/ Ministri i Mbrotjes në Belgjikë: Disa dronë janë parë mbi bazën ushtarake belge

3 Nëntor 2025, 17:01, Kosova & Bota CNA

Nata e tretë radhazi/ Ministri i Mbrotjes në Belgjikë: Disa

Ministri i Mbrojtjes në Belgjikë, Theo Francken ka njoftuar se disa dronë janë parë duke fluturuar mbi një bazë ushtarake belge pranë kufirit holandez për natën e tretë radhazi. Ministri ka bërë me dije se pas evidentimit të dronëve që fluturuan drejt Holandës, një helikopter u vendos në bazën Kleine-Broge. Ai njoftoi gjithashtu se një hetim ka nisur lidhur me ngjarjen.

Francken tha në një intervistë se prania e dronëve dukej si një operacion spiunazhi, por shtoi se nuk e di se kush mund të qëndronte pas tij.

Dronët u panë gjithashtu duke fluturuar mbi bazat e tjera ajrore ushtarake, në Leopoldsburg, në provincën qendrore të Limburgut dhe Marche-en-Famenne në juglindje të vendit.

Ky është incidenti i radhës që përfshin dronë që fluturojnë mbi hapësirën ajrore evropiane në muajt e fundit. Në tetor, pamjet e pakonfirmuara të dronëve e detyruan aeroportin e Mynihut të Gjermanisë të mbyllej dy herë brenda 24 orëve.

Një muaj më parë, Danimarka tha se dronë fluturuan mbi aeroportet e saj. Gjithashtu në shtator, Estonia dhe Polonia kërkuan një konsultim me anëtarët e tjerë të NATO-s, pasi rreth 20 dronë rusë kaluan në Poloni dhe avionë rusë MiG31 hynë në hapësirën ajrore të Estonisë.

Rusia mohoi shkeljen e hapësirës ajrore të Estonisë dhe këmbënguli se inkursioni polak nuk ishte i qëllimshëm.

Komisioni Evropian ka propozuar që atëherë katër projekte mbrojtëse, përfshirë një sistem kundër dronëve, si pjesë e planeve për ta përgatitur kontinentin për t’u mbrojtur deri në vitin 2030. /CNA





Lajmet e fundit nga