web counter
LEXO PA REKLAMA!

SHKARKO APP

App Store
Google Play

Shembet pjesërisht kulla mesjetare në Romë/ Plagoset rëndë një punëtor

3 Nëntor 2025, 13:29, Kosova & Bota CNA

Shembet pjesërisht kulla mesjetare në Romë/ Plagoset

Një kullë mesjetare në zemër të kryeqytetit të Italisë, pranë rrënojave të famshme të Forumit Romak, u shemb pjesërisht paraditen e kësaj të hëne gjatë punimeve për rinovimin e strukturës.

Nga ngjarja është plagosur rëndë një punëtor.

Zjarrfikësit përdorën një shkallë të lëvizshme në katin e sipërm të Torre dei Conti. Tre punëtorë u shpëtuan, ndërsa njëri mbeti i bllokuar brenda strukturës, sipas "Corriere della Sera".

Gjatë operacionit të shpëtimit nga zjarrfikësit, një pjesë tjetër e kullës u shemb, duke ngritur lart një re mbeturinash. Zjarrfikësit që ishin në një shkallë të lëvizshme zbritën shpejt kur ndodhi shembja shtesë.

Torre dei Conti u ndërtua në shekullin XIII nga Papa Inoçenti III si rezidencë për familjen e tij. Kulla u dëmtua në një tërmet të vitit 1349 dhe pësoi shembje të mëvonshme në shekullin XVII.

Mediat italiane raportojnë se në vendngjarje ka shkuar menjëherë kryetari i Bashkisë së Romës, Roberto Gualtieri, dhe ministri i Kulturës, Alessandro Giuli./CNA





Lajmet e fundit nga