web counter
LEXO PA REKLAMA!

SHKARKO APP

App Store
Google Play

Moti i keq “pushton” Greqinë/ Raportohet për viktima, reagon Mitsotakis

8 Shtator 2023, 14:51, Kosova & Bota CNA

Moti i keq “pushton” Greqinë/ Raportohet për viktima,

Moti i keq dhe stuhia "Daniel" ka përfshirë disa qytete dhe zona të Greqisë duke shkaktuar dhe viktima.

Sipas mediave greke janë regjistruar të paktën 7 viktima nga përmbytjet.

Kryeministri i vendit, Kyriakos Mitsotakis ka deklaruar se do të bëjë gjithçka që është e nevojshme për të kompensuar çdo qytetar për pronat e dëmtuara nga moti i keq dhe përmbytjet.

“Ne do të bëjmë gjithçka që duhet. Gjithashtu do të mobilizoj të gjitha burimet evropiane në dispozicion që të kemi mbështetje shtesë, për të mbuluar para së gjithash nevojat për kompensim të familjeve. Do të fillojë menjëherë regjistrimi i dëmeve, strukturat shtëpiake dhe dëmshpërblimi për shtëpitë e shkatërruara”, tha kryeministri Kyriakos Mitsotakis gjatë takimit që pati me kryetarët e zonave të prekura nga stuhia "Daniel" dhe moti i keq, në Bashkinë e Karditës.

Kryeministri theksoi se “Dua ta dini se ne do të bëjmë gjithçka që është e mundur. Unë e kuptoj edhe zemërimin edhe tërbimin. Nuk u fsheha kurrë, jam gjithmonë këtu në kohë të vështira. Ne do t’ju mbështesim”./ CNA





Lajmet e fundit nga