web counter
LEXO PA REKLAMA!

SHKARKO APP

App Store
Google Play

Ligjvënësi amerikan-Tajvanit: Armët po vijnë

27 Maj 2024, 09:40, Kosova & Bota CNA
Ligjvënësi amerikan-Tajvanit: Armët po vijnë
Michael McCaul

Zyrtari i lartë amerikan, Michael McCaul, ka thënë të hënën se porositë e Tajvanit janë rrugës dhe që lojërat kineze që u ngjajnë luftërave, e kanë rritur nevojën për të forcuar kapacitetet e këtij ishulli në fushën e mbrojtjes.

Kina e konsideron Tajvanin – ishull që vetëqeveriset – si të vetin dhe është zotuar se do ta fitojë kontrollin e tij edhe përmes forcës, nëse është nevoja.

Qeveria e Tajvanit, në anën tjetër, hedh poshtë pretendimet e Pekinit për ishullin.

Në dy vjetët e fundit, Tajvani është ankuar për vonesa në pranim të armëve amerikane, sikurse raketat Stinger, për shkak se prodhuesit amerikanë janë duke furnizuar Ukrainën me armë, teksa e lufton pushtimin rus.

McCaul, udhëheqësi i Komitetit të Dhomës së Përfaqësuesve për Marrëdhënie me Jashtë, ka thënë se ushtria e Kinës u ka dërguar Shteteve të Bashkuara një mesazh të fuqishëm javën e kaluar.

“Ne po e çojmë përpara punën sa u përket sistemeve të armëve. Do të doja të shihja punë më të shpejtë, mirëpo [armët] po vijnë”, u ka thënë McCaul gazetarëve në Taipei, pas takimit me presidentin e Tajvanit, Lai Ching-te.

Ai ka thënë se Tajvanit i duhen mjaftueshëm armë, në mënyrë që presidenti kinez, Xi Jinping të kuptojë që rreziqet e pushtimit të ishullit i tejkalojnë përfitimet.

“Presidenti Lai dhe unë, si gjithmonë, kemi pasur bisedë shumë direkte për kërcënimin me të cilin përballet ishulli prej fqinjit verior”, ka thënë McCaul. Pa mbrojtje të fuqishme, Xi ka ambicie shumë agresive”.

Kina e ka sanksionuar McCaul-in vitin e kaluar, pas një vizite që pati realizuar në Tajvan, për t’u takuar me zyrtarë të lartë atje./REL





Lajmet e fundit nga