web counter
LEXO PA REKLAMA!

SHKARKO APP

App Store
Google Play

"Le të flasë populli"/ Osmani kërkon ndryshime kushtetuese për zgjedhjen e presidentit të Kosovës

5 Mars 2026, 16:45, Kosova & Bota CNA

"Le të flasë populli"/ Osmani kërkon ndryshime

Presidentja e Kosovëës, Vjosa Osmani ka njoftuar se ka dorëzuar në Kuvend ndryshimet kushtetuese për të mundësuar zgjedhjen e presidentit të vendit përmes votës së popullit.

Në reagimin e saj, Osmani ka bërë thirrje të gjitha partive politike që të votojnë nismën e saj. Ajo shton se tani e tutje duhet të vendosë populli.

Postimi i plotë:

ZGJEDHJE TË DREJTPËRDREJTA PËR PRESIDENT!

Duke parë dështimet e njëpasnjëshme në zgjedhjen e Presidentes/it, sapo kam proceduar në Kuvend amendamentet kushtetuese për zgjedhje të drejtpërdrejta të Presidentes/it, të cilat ishin hartuar nga Komisioni për amendamentimin e Kushtetutës në vitin 2011.

I ftoj të gjitha partitë politike që të votojnë këto amendamente kushtetuese.

Tash e tutje, le të flasë populli!

Reagimi i Osmanit vjen pasi partitë politike nuk arritën marrëveshje për një president konsensual dhe ajo nuk mori mbështetjen e tyre për një mandat të dytë si presidente e vendit.

Kryetarja e Kuvendit të Kosovës, Albulena Haxhiu njoftoi përmes një postimi se ka mbështetur kërkesën e presidentes Vjosa Osmani. Haxhiu tha se i ka pranuar amendamentet kushtetuese nga Osmani, të cilat parashohin që presidenti të zgjidhet drejtpërdrejt nga populli.

“Në këtë mënyrë eliminohen ngërçet që po e pengojnë funksionimin e institucioneve dhe që po e pamundësojnë stabilitetin e tyre. I bashkohem thirrjes së Presidentes për votimin e këtyre amendamenteve”, shkroi Haxhiu. /CNA





Lajmet e fundit nga