web counter
LEXO PA REKLAMA!

SHKARKO APP

App Store
Google Play

E fundit!

x

Konflikti Pakistan-Afganistan/ Sulmohet qendra e rehabilitimit, humbin jetën dhjetëra persona

17 Mars 2026, 07:51, Kosova & Bota CNA

Konflikti Pakistan-Afganistan/ Sulmohet qendra e rehabilitimit, humbin

Dhjetëra njerëz dyshohet se kanë humbur jetën ose janë plagosur në një qendër rehabilitimi për varësinë nga droga në kryeqytetin e Afganistanit, pas një sulmi ajror për të cilin qeveria talebane fajësoi Pakistanin. Qendra në Kabul u godit të hënën në mbrëmje, duke vrarë disa njerëz dhe plagosur të tjerë, tha zëdhënësi i qeverisë në një reagim në “X”.

Pakistani mohoi të ketë sulmuar ndonjë strukturë shëndetësore, duke thënë se kishte në shënjestër saktësisht instalimet ushtarake dhe infrastrukturën mbështetëse të terroristëve në Kabul dhe në provincën lindore të Nangaharit. Rreth 2,000 njerëz po trajtoheshin atje, sipas zyrtarëve në këtë qendër, të cilët besojnë se mund të ketë qindra viktima.

Zëdhënësi i ministrisë së shëndetësisë afgane, Sharafat Zaman Amarkhaili tha për BBC se nuk kishte objekte ushtarake pranë qendrës së rehabilitimit. Banorët raportuan se dëgjuan shpërthime të forta në të gjithë Kabulin rreth orës 20:50 sipas orës lokale (16:20 GMT), të ndjekura nga zhurma e avionëve dhe sistemeve të mbrojtjes ajrore.

Një zëdhënës i qeverisë së talebanëve pretendoi se numri i të vdekurve arriti të paktën 400. Ministria e Informacionit e Pakistanit tha se sulmet ishin të sakta dhe të ndërmarra me kujdes për të siguruar që të mos shkaktohen dëme anësore. Ajo e hodhi poshtë pretendimin e Afganistanit si një raportim të gabuar të fakteve duke mbuluar mbështetjen e paligjshme për terrorizmin ndërkufitar.

Më parë një bazë ushtarake amerikane, zona ku ndodhi sulmi ishte një vend i njohur për përdoruesit e drogës. Kur talebanët u rikthyen në pushtet në gusht 2021, ata e shndërruan hapësirën në një qendër rehabilitimi nga droga , ku u mblodhën përdorues nga e gjithë kryeqyteti.

Konflikti i vazhdueshëm midis vendeve fqinje shpërtheu përsëri në shkurt, me Pakistanin që akuzoi Afganistanin për strehimin e grupeve militante, diçka që qeveria talebane e mohon.

Të paktën 75 persona janë vrarë dhe 193 të tjerë janë plagosur në Afganistan si pasojë e luftimeve të vazhdueshme ndërkufitare midis vendeve që nga 26 shkurti, sipas Misionit të Ndihmës së Kombeve të Bashkuara në Afganistan (UNAMA). Kjo vjen pas muajsh përleshjesh, pavarësisht se të dyja palët ranë dakord për një armëpushim të brishtë në tetor. /CNA





Lajmet e fundit nga