web counter
LEXO PA REKLAMA!

SHKARKO APP

App Store
Google Play

Konferenca e Sigurisë në Mynih/ Starmer njofton dërgimin e grupit të aeroplanëve në Arktik

14 Shkurt 2026, 15:08, Kosova & Bota CNA

Konferenca e Sigurisë në Mynih/ Starmer njofton dërgimin e grupit

Kryeministri britanik, Keir Starmer, në Konferencën e Sigurisë në Mynih, ka theksuar rëndësinë e forcimit të sigurisë në Arktik, duke njoftuar dërgimin e një grupi aeroplanësh të forcave ajrore britanike në këtë rajon, në bashkëpunim me SHBA-në dhe aleatët e NATO-s.

Ai kërkoi lidhje më të thella me Bashkimin Europian, duke theksuar se Europa duhet të qëndrojë e fuqishme dhe të mbrojë interesat e saj në fushën e mbrojtjes.

Starmer po ashtu shprehu kënaqësinë që çështja e Groenlandës tani po zgjidhet përmes kanaleve diplomatike, duke theksuar se ky proces nuk ka dëmtuar aleancën SHBA-Britani, që sipas tij është "e fortë si asnjëherë më parë".

Kryeministri britanik theksoi nevojën për një NATO më të integruar, ndërsa shtoi se Europa duhet të marrë më shumë përgjegjësi për mbrojtjen e saj dhe të investojë më shumë në sigurinë e përbashkët.

Ai gjithashtu e konsideroi SHBA-në si një aleat të pazëvendësueshëm për sigurinë europiane dhe përkushtimin ndaj mbrojtjes së vlerave dhe rendit ndërkombëtar.

Në lidhje me luftën në Ukrainë, Starmer nënvizoi se Europa duhet të jetë e gatshme të luftojë, nëse është e nevojshme, për të siguruar një paqe të qëndrueshme dhe për të mbrojtur interesat e saj strategjike./ CNA





Lajmet e fundit nga