web counter
LEXO PA REKLAMA!

SHKARKO APP

App Store
Google Play

Gruaja më e moshuar në botë feston 117-vjetorin e lindjes/ Futet në librin e rekordeve "Guinness"

5 Mars 2024, 10:49, Kosova & Bota CNA
Gruaja më e moshuar në botë feston 117-vjetorin e lindjes/ Futet
Maria Branjas Morera

Maria Branjas Morera, personi më i vjetër në botë, festoi të hënën 117-vjetorin e lindjes. 

Morera, e cila lindi më 4 mars 1907, në San Francisko, më pak se katër vjet pasi vëllezërit Wright u ngritën dhe dy vjet përpara se të fillonte ndërtimi i Titanikut, ka jetuar në Spanjë që në moshën tetëvjeçare dhe prej 23 vitesh jeton në shtëpinë e të moshuarve. 

Në janar të vitit të kaluar, ajo u fut në librin e rekordeve "Guinness" si personi më i vjetër në botë, pas vdekjes së francezes Lucille Randon në moshën 118-vjeçare.

"Ajo është shumë mirënjohëse për të gjitha urimet që mori dhe interesin që kaq shumë njerëz kanë treguar për shëndetin e saj," tha Eva Carrera Boyce, drejtore e shtëpisë së të moshuarve ku jeton Morero. 

Morera është aktualisht personi i 12-të i regjistruar në histori që mbush 117-vjetorin e lindjes dhe nëse mbush 118-vjetorin, do të jetë e pesta. 

Luftën e Parë Botërore, Luftën Civile Spanjolle dhe Luftën e Dytë Botërore ajo e kaloi në Barcelonë, si dhe pandeminë e gripit spanjoll, dhe konsiderohet si personi më i vjetër që arriti të shërohej nga Covid, të cilin e infektoi në maj të 2020. Ajo ka tre fëmijë, 11 nipër e mbesa dhe 13 stërnipër./CNA 





Lajmet e fundit nga