web counter
LEXO PA REKLAMA!

SHKARKO APP

App Store
Google Play

E fundit!

x

Gjermani: Qindra mijëra vetë kundër ekstremizmit të djathtë

9 Shkurt 2025, 08:55, Kosova & Bota CNA

Gjermani: Qindra mijëra vetë kundër ekstremizmit të

Në shumë qytete në Gjermani u zhvilluan mitingje kundër ekstremizmit të djathtë dhe kundër bashkëpunimit me AfD të shtunën (08.02.). Në Mynih demonstrata u zhvilluan nën moton "Demokracia ka nevojë për ty”. Sipas informacioneve të policisë u mblodhën rreth 250.000 vetë. Organizatorët folën për më shumë se 320.000.

Organizatorët e nismës "Mynihu është shumëngjyrësh" thanë, se ata donin të dërgonin "një sinjal të fuqishëm për diversitetin, dinjitetin njerëzor, kohezionin dhe demokracinë" përpara zgjedhjeve parlamentare më 23 shkurt. Po ashtu të dërgonin një paralajmërim, se "urrejtja, përjashtimi dhe grupet ekstremiste të krahut të djathtë po bëhen një kërcënim për demokracinë".

Gjermani: Qindra mijëra vetë kundër ekstremizmit të

Ministri i Mbrojtjes Pistorius në një demonstratë në Hanover

Dhjetëra mijëra njerëz dolën në rrugë edhe në Hanover. Sipas të dhënave të policisë, 24.000 njerëz morën pjesë në demonstratë. Sipas NDR, në mitingun në Sheshin e Operas, Opernplatz foli edhe ministri gjerman i Mbrojtjes, Boris Pistorius. Politikani i SPD i përshkroi zhvillimet e javës së kaluar në Bundestag si shkelje të tabuve dhe u bëri thirrje njerëzve që të ngrihen çdo ditë për demokracinë. "Dera e ekstremit të djathtë duhet të mbetet e mbyllur," tha Pistorius Javën e kaluar, dy mocione nga Unioni u miratuan në Bundestag për herë të parë me ndihmën e AfD. Megjithatë, një projekt-ligj për të shtrënguar politikën e migracionit dështoi.

Gjermani: Qindra mijëra vetë kundër ekstremizmit të

Protesta në Leipzig kundër zhvillimit të një aktiviteti të AfD

Në Leipzig, sipas MDR, rreth 1000 njerëz demonstruan kundër një aktiviteti zgjedhor të AfD. Nuk pati incidente, megjithatë, policia ndaloi përpjekjet për të bllokuar hyrjen në aktivitet. Bashkëkryetari i AfD, Tino Chrupalla ishte planifikuar të fliste në aktivitetin e AfD. Edhe në Rostock dolën në rrugë rreth 3,000 njerëz për demokracinë dhe kundër ekstremizmit të djathtë. Nën moton "Të gjithë kundër fashizmit - Rostock qëndron së bashku!" njerëzit marshuan nëpër qendër të qytetit.

Rreth 35.000 demonstrues në Bremen

Në Bremen, policia numëroi rreth 35.000 pjesëmarrës në një takim kundër ekstremizmit të krahut të djathtë në Domshof. Siç raportoi Radio Bremen, demonstrata fillimisht duhej të zhvillohej në sheshin e tregut të qytetit, por hapësira ishte shumë e vogël. Në Rheinland-Pfalz dhe Hessen, gjithsej rreth 25.000 njerëz demonstruan në disa qytete kundër një zhvendosjeje në të djathtë. Siç njoftoi policia. Demonstrata u zhvilluan edhe në Wuppertal, Aachen dhe Duisburg./ DW





Lajmet e fundit nga