web counter
LEXO PA REKLAMA!

SHKARKO APP

App Store
Google Play

E fundit!

x

Tubim përmbyllës në Gjakovë/ Haradinaj: Me ne Kosova do të jetë e sigurt dhe e zhvilluar

7 Shkurt 2025, 21:50, Kosova & Bota CNA

Tubim përmbyllës në Gjakovë/ Haradinaj: Me ne Kosova do

Ramush Haradinaj, Kryetari i Aleancës për Ardhëmërinë e Kosovës dhe kandidati për kryeministër tha sot se nën drejtimin e kësaj partie, Kosova do të jetë e sigurt

Deklaratën e bëri në Gjakovë, aty ku u mbajt tubimi përmbyllës i fushatës, qytet për të cilin thotë se do të jetë qendër e zhvillimit ekonomik të Kosovës.

Haradinaj ka shpërndarë fotografitë e këtij tubimi në rrjetet sociale.

Haradinaj ka renditur projektet për këtë komunën e Gjakovës, që synon t’i realizojë nëse bëhet kryeministër i ardhshëm i Kosovës.

“Gjakova gjithmonë ka ditë me i zgjedhë më të mirët – 137 për Kosovën Fituese

Gjakova do të jetë qendër e zhvillimit ekonomik të Kosovës.

Autostrada e Dukagjinit që lidh Prizrenin me Mitrovicën do të kalojë përmes Gjakovës, duke u bërë arteria kryesore e zhvillimit.

Hekurudha Fushë Kosovë – Durrës do t’i japë Gjakovës lidhje të drejtpërdrejtë me portin më të madh të rajonit.

Zona e biznesit amerikan do ta shndërrojë Gjakovën në qendrën më të madhe shpërndarëse të rajonit.

Aeroporti i Gjakovës do të hapet për fluturime komerciale, duke u bërë aeroporti i dytë i Kosovës.

Rruga Gjakovë-Klinë do të përfundohet brenda 6 muajve të parë të qeverisjes sonë.

Industria prodhuese ushtarake dhe poligoni i NATO-s në brezin kufitar do ta bëjnë Gjakovën qendër të sigurisë rajonale.

Të gjithë qytetarët e Kosovës do të përfitojnë nga programi ynë ekonomik.

Çdo punëkërkues do të ketë mbështetje financiare deri në punësim.

Të rinjtë do të marrin grante pa kthim për bizneset e tyre.

Paga mesatare do të jetë mbi 1000 euro dhe asnjë pension nuk do të jetë nën 500 euro.

Do ta ulim çmimin e energjisë për 20% dhe do të sigurojmë furnizim pa ndërprerje.

Çlirimtarët do të marrin pension 500 euro, pa shkëputje nga puna.

Do të trefishojmë subvencionet për bujqit.

Me anëtarësimin direkt në NATO dhe aleancën e përhershme me Amerikën, Kosova do të jetë e sigurt dhe e zhvilluar. Më 9 shkurt, voto 137 – Voto për Kosovën Fituese!”, - shkruan Haradinaj. / CNA

 





Lajmet e fundit nga