web counter
LEXO PA REKLAMA!

SHKARKO APP

App Store
Google Play

E fundit!

x

“Fake news” nga kreu i Komunës së Preshevës/ Sulm ndaj Albin Kurtit

29 Mars 2023, 14:12, Kosova & Bota CNA
“Fake news” nga kreu i Komunës së Preshevës/ Sulm
Albin Kurti, kryeministri i Kosovës

Kreu i Komunës së Preshevës, Shqipërim Arifi, gjatë një interviste të dhënë për "Euronews Albania" ka dhënë një "fake news", ku shprehet se kryeministri Albin Kurti është shpallur "non grata" nga SHBA-ja.

Arifi ka sulmuar Kurtin duke nënvizuar se Kurti nëpërmjet formave të ndryshme ka bërë politika që kanë qenë në dëm të shqiptarëve të Preshevës.

“Për mua ka qenë e qartë që kjo marrëveshje do të realizohet. Pikëpamjen ia tregova dhe Osmanit. Albin Kurti në SHBA, edhe pse nuk është zyrtarizuar është një person ‘non grata’. Mirëpo ne kërkojmë vazhdimësi, që të kemi të drejta nga qeveria dhe Kushtetuta e Kosovës.

Duhet të jetojmë të lirë, në bazën e perspektivave ekonomike, të përdorim simbolet kombëtare. Kam qenë gjithmonë kritik ndaj vetëvendosjes. Në tri vitet e fundit Kurti në forma të ndryshme ka ndërhyrë në dëm të shqiptarëve të Luginës së Preshevës”, tha Arifi.

Ky "fake news" vjen për shkak të qëndrimeve që ka mbajtur Kurti pas publikimit të raportit të DASH për Kosovën./ CNA.al





Lajmet e fundit nga