web counter
LEXO PA REKLAMA!

SHKARKO APP

App Store
Google Play

Europol "çmonton" bandën që furnizonte Europën me kanabis/ Si pastroheshin paratë me ndihmën e kinezëve

27 Tetor 2023, 09:12, Kosova & Bota CNA

Europol "çmonton" bandën që furnizonte Europën

Europol në bashkëpunim me Gardën Financiare Italiane dhe Policinë Rajonale Katalane spanjolle ka goditur një rrjet kriminal që trafikonte kanabis në vendet e Bashkimit Europian. Hetimi, i mbështetur nga Eurojust, i dha një goditje rrjetit të pastrimit të parave.

Gjatë aksionit janë arrestuar 78 persona (58 në Itali dhe 20 në Spanjë), ndërkohë janë kryer kontrolle në 104 banesa. 

Mësohet se janë sekuestruar 350 kg kanabis (327 hashash dhe 33 kg marihuanë), armë, pajisje elektronike, dokumente dhe pasuri me vlerë 845 000 euro.

Si funksinonte grupi kriminal? 

Shtetasit marokenë me bazë në Spanjë rregullonin dërgesat e drogës në Spanjë dhe dërgimin e tyre të mëpasshëm në shpërndarës të ndryshëm në Itali. 

Aktorë të ndryshëm lehtësonin furnizimin e përgjithshëm dhe procesin logjistik të rrjetit: nga grumbullimi, ruajtja, transportimi dhe shpërndarja e kanabisit deri te pagesat dhe aktivitetet e pastrimit të parave. 

Pagesat për dërgesat e drogës u depozitoheshin nëpërmjet një sistemi bankar informal të njohur si fei-ch'ien. Ky sistem bankar i "nëndheshëm" drejtohet kryesisht nga shtetas kinezë dhe lejon transferimin e parave të gatshme nga një vend në tjetrin përmes një rrjeti zyrash të besuara. 

Nga hetimet u zbuluan dy rrjete të veçanta, njëri që merrej me trafikun e drogës dhe tjetri me veprimtarinë e pastrimit të parave./CNA





Lajmet e fundit nga