LEXO PA REKLAMA!

SHKARKO APP

App Store
Google Play

Euronews Serbia: SHBA bllokon anëtarësimin e Kosovës në KiE për shkak të Asosacionit

31 Janar 2023, 18:05, Kosova & Bota CNA
Euronews Serbia: SHBA bllokon anëtarësimin e Kosovës në KiE
Foto ilustruese

Shtetet e Bashkuara të Amerikës dhe tre vende anëtare të BE-së kanë bllokuar përkohësisht anëtarësimin e Kosovës në Këshillin e Evropës.

Këto pretendime janë ngritur nga media “Euronews Serbia”, e cila citon burime diplomatike në Evropë.

Sipas saj, Uashingtoni ka kërkuar që anëtarësimi i Kosovës në KiE të mos vihet në agjendën e Komitetit të Ministrave të Këshillit të Evropës derisa “Kosova të mbajë një qëndrim më konstruktiv për Asosacionin, i cili do t'i hapte rrugën propozimit të marrëveshjes bazë ndërmjet Beogradit dhe Prishtinës”.

“Euronews Serbia” shkruan se këtij qëndrimi të SHBA i janë bashkuar Italia, Franca dhe Gjermania.

Duke cituar një zëdhënës të ambasadës amerikane, në artikull thuhet se qëndrimi i SHBA-së është bërë i njohur.

“Pozicioni i SHBA-së është i mirënjohur. Siç vunë në dukje dje në tekstin e tyre, këshilltari i Departamentit të Shtetit të SHBA-së, Derek Scholl dhe zëvendësndihmës sekretari amerikan i Shtetit, Gabriel Escobar, koha për të krijuar Asosacionin është tani. Përveç kësaj, ne nuk mund të komentojmë korrespondencën diplomatike”, është shprehur zëdhënësi i ambasadës amerikane për median serbe.

Kujtojmë se anëtarësimi i Kosovës në KiE ka qenë një çështje e hapur që në maj të vitit të kaluar.

Zyrtarët perëndimorë kanë deklaruar se presionet ndaj Prishtinës dhe kryeministrit të Kosovës, Albin Kurti mund të rriten për shkak të qëndrimit të tyre ndaj formimit të Asociacionit./ B.A. - CNA.al

Lajmet e fundit nga