web counter
LEXO PA REKLAMA!

SHKARKO APP

App Store
Google Play

Britania mbështet Ukrainën me trupa dhe avionë/ Starmer: Presion ekonomik ndaj Rusisë

2 Mars 2025, 19:29, Kosova & Bota CNA

Britania mbështet Ukrainën me trupa dhe avionë/ Starmer: Presion

Kryeministri i Britanisë së Madhe, Keir Starmer pas mbledhjes së mbajtur me presidentin e Ukrainës, Volodymyr Zelenskin dhe liderë të tjerë europianë si Emmanuel Macron, Olaf Scholz, Gorgia Meloni, theksoi se edhe në rast marrëveshje paqeje mes Rusisë dhe Ukrainës, sërish Europa duhet t’i sigurojë Ukrainës mbrojtje si dhe të rrisë aftësinë mbrojtëse të saj në rast të një sulmi të ardhshëm nga Rusia.

Starmer paraqiti katër pikat kryesore të cilët liderët dakordësuan në këtë mbledhje ndërsa u shpreh se për të arritur stabilitetin në Europë, do të duhet edhe bashkëpunimi i Amerikës, gjë për të cilën kryeministri britanik u shfaq shumë pozitiv.

“Së pari, ne do të mbajmë rrjedhën e ndihmës ushtarake dhe do të vazhdojmë të rrisim presionin ekonomik ndaj Rusisë për të forcuar Ukrainën.

Së dyti, ne ramë dakord që çdo paqe e qëndrueshme duhet të sigurojë sovranitetin dhe sigurinë e Ukrainës dhe Ukraina duhet të jetë patjetër në tryezë gjatë negociatave.

Së treti, në rast të një marrëveshjeje paqeje, ne do të vazhdojmë të rrisim aftësitë mbrojtëse të Ukrainës për të penguar çdo pushtim të ardhshëm.

Së katërti, ne do të shkojmë më tej për të zhvilluar një koalicion për të mbrojtur një marrëveshje në Ukrainë dhe për të garantuar paqen. Jo çdo komb do të ndihet i aftë të kontribuojë, por kjo nuk do të thotë që ne të rrimë duarkryq.

Në vend të kësaj, ata që dëshirojnë do të intensifikojnë planifikimin tani me urgjencë, Britania e Madhe është e përgatitur ta mbështesë këtë me trupa ushtarake në Ukrainë si dhe me aeroplanë në ajër, së bashku me të tjerët. Evropa duhet të mbajë peshën e rëndë të kësaj situate”, tha Starmer. /CNA





Lajmet e fundit nga