web counter
LEXO PA REKLAMA!

SHKARKO APP

App Store
Google Play

E fundit!

x

Takimi me Zelenskyn/ Reagon Trump: Nuk respektoi SHBA-në, nuk është gati për paqe

28 Shkurt 2025, 19:44, Kosova & Bota CNA

Takimi me Zelenskyn/ Reagon Trump: Nuk respektoi SHBA-në, nuk

Presidenti i Shteteve të Bashkuara të Amerikës, Donald Trump ka reaguar në rrjetet sociale pas debateve që ndodhën në takimin me Zelenskyn. Trump shkruan se takimi i sotëm në  Shtëpinë e Bardhë ishtë kuptimplotë dhe u arrit të mësohej shumë.

Më tej Trump shkruan se presidenti ukrianas nuk është gati për paqe. Në postimin e tij, presidenti amerikan shkruan se Zelensky e shikon përfshirjen e SHBA në negociata sikur i jep atij avantazhe, por ne duam paqe jo avantazhe.

Trump thotë se presidenti ukrainas nuk respektoi Shtetet e Bashkuara dhe mund të rikthehet në Shtëpinë  e Bardhë kur të jetë gati për paqe.

 

"Ne patëm një takim shumë domethënës në Shtëpinë e Bardhë sot.

U mësua shumë që nuk mund të kuptohej kurrë pa biseda nën një zjarr dhe presion të tillë.

Është e mahnitshme ajo që del përmes emocioneve dhe unë kam vendosur që presidenti Zelensky nuk është gati për paqe nëse përfshihet Amerika, sepse ai mendon se përfshirja jonë i jep atij një avantazh të madh në negociata.

Nuk dua avantazhe, dua PAQE.

Ai nuk i respektoi Shtetet e Bashkuara të Amerikës në Zyrën e tyre të dashur Ovale.

Ai mund të kthehet kur të jetë gati për paqe", shkruan Trump./ CNA

 

 

 





Lajmet e fundit nga