web counter
LEXO PA REKLAMA!

SHKARKO APP

App Store
Google Play

Basha përsërit skenarin, përjashton Bardhin nga partia

9 Tetor 2023, 20:04, Politikë CNA
Basha përsërit skenarin, përjashton Bardhin nga partia
Gazment Bardhi

Lulzim Basha vijon me skenaret e tij të përsëritura.

Atë që bëri dikur me liderin historik të Partisë Demokratike, Sali Berisha duke e përjashtuar nga Prupi Parlamentar tashmë e ka bërë me deputetin demokrat Gazment Bardhi duke e përjashtuar këtë të fundit nga partia.

Ai përjashtoi Sali Berishën nga Prupi Parlamentar kur e pa se po kthehej fuqishëm në foltore.

Këtë vendim e ka marrë në mbledhjen e ditës së sotme.

Ai ka mbledhur ‘petritët’ e tij dhe ka vendosur përjashtimin e Gazment Bardhit nga partia.

Basha mesa duket nuk ka ndër mend që të tërhiqet nga rruga që me siguri as vet nuk e di se ku e ka destinacionin.

Edhe pse u ftua disa herë nga Bardhi që t’i bashkohej mbledhjeve të organizuar me deputetët e opozitës Basha nuk zgjodhi bashkimin por e vijoi përçarjen edhe më tej.

Si pretekst për përjashtim kanë përdorur shkelje të bëra nga ish-sekretari i Përgjithshëm ndaj vendimeve të organeve kolegjale të PD-së.

“Vendimi i Kryesisë së PD erdhi pas shkeljeve të njëpasnjëshme të kryera nga ish-sekretari i Përgjithshëm ndaj vendimeve të organeve kolegjale të PD, shumë prej të cilave janë votuar dhe janë nënshkruar prej tij si dhe për veprime në kundërshtim me interesat politike dhe elektorale të PD, për mosnjohjen e institucioneve të dala nga vota e demokratëve. Po ashtu dhe për ndjekjen e një agjende personale, përmes të cilës kërkon të zhvendosë PD nga orientimi i përcaktuar nga Kuvendi dhe Këshilli Kombëtar, në raport me aleatët strategjikë dhe bashkëpunimin me individët e sanksionuar si non grata, që kanë ndërmarrë një aksion dy vjeçar kundër Partisë Demokratike.”, thuhet në argumentet e parashtruara nga Kryesia e PD-së./ CNA





Lajmet e fundit nga