E fundit!

21:18 Politikë

E enjte intensive/ Nesër mblidhet Kuvendi, zhvillohet seanca e fundit plenare

Kuvendi i Shqipërisë do të mblidhet nesër në seancën e fun...

Arritja e paqes/ Klitschko: Ukraina mund të heqë dorë nga territoret

25 Prill 2025, 08:56, Kosova & Bota CNA

Arritja e paqes/ Klitschko: Ukraina mund të heqë dorë nga

Kryetari i Bashkisë së Kievit, Vitali Klitschko, thënë për "BBC" se Ukrainës mund t'i duhet të heqë dorë nga disa territore si pjesë e një marrëveshjeje paqeje me Rusinë, mes një presioni në rritje nga Presidenti Donald Trump për të pranuar lëshime territoriale.

"Një nga skenarët është... heqja dorë nga territori. Nuk është e drejtë. Por për paqen, paqja e përkohshme, ndoshta mund të jetë një zgjidhje" tha ai.

Ish-kampioni i boksit, theksoi se populli ukrainas "nuk do ta pranonte kurrë pushtimin" nga Rusia.

Klitschko foli disa orë pasi një sulm rus me raketa dhe dron në Kiev vrau 12 persona dhe plagosi më shumë se 80. Ishte një nga sulmet më vdekjeprurëse ruse në kryeqytetin ukrainas në muajt e fundit.

Presidenti rus Vladimir Putin filloi një pushtim të plotë të Ukrainës në vitin 2022 dhe Moska aktualisht kontrollon rreth 20% të territorit ukrainas.

Klitschko vuri në dukje se ai ishte "përgjegjës për kryeqytetin e Ukrainës", duke e përshkruar atë si "zemrën" e vendit të shkatërruar nga lufta.

Ai tha se presidenti Volodymyr Zelensky mund të detyrohet të marrë një "zgjidhje të dhimbshme" për të arritur paqen.

Kur u pyet nëse Zelensky ka diskutuar me të ndonjë detaj për një zgjidhje të mundshme, Klitschko u përgjigj troç: "Jo".

Kryetari i bashkisë ka akuzuar vazhdimisht presidentin dhe ekipin e tij se po përpiqen të minojnë autoritetin e tij.

Duke iu referuar një përplasjeje shumë publike midis Zelensky dhe Trump në Shtëpinë e Bardhë në shkurt, kryebashkiaku sugjeroi që çështjet kryesore midis politikanëve të lartë do të diskutoheshin më mirë "pa kamera video".

Në fillim të kësaj jave, Trump akuzoi Zelenskyn për dëmtim të negociatave të paqes, pasi udhëheqësi ukrainas përsëri përjashtoi mundësinë e njohjes së kontrollit rus të Krimesë, një gadishull jugor të Ukrainës i aneksuar ilegalisht nga Moska në 2014./ CNA