web counter
LEXO PA REKLAMA!

SHKARKO APP

App Store
Google Play

Vriten 80 persona në përleshjet mes luftëtarëve kurdë dhe një grupi të armatosur arabësh në Siri

29 Gusht 2023, 20:13, Kosova & Bota CNA

Vriten 80 persona në përleshjet mes luftëtarëve kurdë

Trembëdhjetë persona janë vrarë në përleshjet në Sirinë lindore të kontrolluar nga kurdët midis luftëtarëve të mbështetur nga SHBA dhe anëtarëve të një grupi të armatosur lokal, tha Observatori Sirian për të Drejtat e Njeriut (OSDH).

Sipas këtij burimi, tre anëtarë të Forcave Demokratike Siriane (SDF) dhe dhjetë luftëtarë të grupit lokal u vranë në përleshjet që filluan të hënën në disa fshatra të provincës Deir Ezzor. SDF është koalicioni i mbështetur nga Uashingtoni i dominuar nga kurdët sirianë. Ai udhëhoqi luftën për të dëbuar xhihadistët e Shtetit Islamik nga Siria në vitin 2019.

Sot, kurdët kontrollojnë një zonë gjysmë autonome në Sirinë verilindore që përfshin pjesë të mëdha të provincës Deir Ezzor.

Këshilli Ushtarak i Deir Ezzorit është një grup i armatosur lokal, arab që punonte me SDF-në. Udhëheqësi i saj, Ahmad al-Habil ose Abu Hawla, u arrestua të dielën në qytetin Hasakeh. Trazirat që shpërthyen pas arrestimit të tij u përshkallëzuan të hënën, kur pozicionet e SDF në zonë ishin në shënjestër, shkruan Protothema.

Nuk është e qartë pse u arrestua Habil, por OSDH dhe një militant lokal thanë se ai ishte i njohur në zonë për kontrabandë dhe kishte grumbulluar pasuri të madhe gjatë viteve.

Këshilli Ushtarak i Deir Ezzorit është përgjegjës për sigurinë në disa zona të kësaj krahine, banorët e së cilës janë, në pjesën më të madhe, arabë. Kurdët e administrojnë rajonin përmes këshillave lokale politike dhe ushtarake./ CNA





Lajmet e fundit nga