web counter
LEXO PA REKLAMA!

SHKARKO APP

App Store
Google Play

“Meta” merr vendimin e papritur/ Mbyll aplikacionin “Facebook Gaming”

2022-08-30 21:26:00, Tech CNA
“Meta” merr vendimin e papritur/ Mbyll aplikacionin “Facebook
Foto ilustruese

Pak më shumë se dy vitesh pas lançimit të tij, “Meta” do të mbyllë aplikacionin “Facebook Gaming”

Tani, kur të hapni aplikacionin, do të shihni një baner që thotë se aplikacioni nuk do të jetë më i disponueshëm në "iOS" dhe "Android" pas datës 28 tetor të këtij viti.

Aplikacioni gjithashtu nuk do të jetë i disponueshëm as në “Google Play Store” ose “Apple App Store”.

“Pavarësisht këtij lajmi, misioni ynë për të lidhur lojtarët, fansat dhe krijuesit me lojërat që ata pëlqejnë nuk ka ndryshuar dhe ju do të jeni ende në gjendje të gjeni lojërat, transmetuesit dhe grupet tuaja kur të vizitoni “Gaming” në aplikacionin “Facebook”.

Ne duam të shprehim falënderimet tona të përzemërta për të gjithë ju për gjithçka që keni bërë, për të ndërtuar një komunitet të lulëzuar për lojtarët dhe fansat që nga fillimi i këtij aplikacioni”, thuhet në njoftim.

Nëse e keni përdorur aplikacionin, mund të shkarkoni të dhënat tuaja të kërkimit përpara se ai të ndërpritet.

Nuk është plotësisht e qartë pse është zgjedhur të mbyllet aplikacioni, por ky vendim vjen pasi “Meta” ka testuar shërbime të reja.

Kujtojmë se aplikacioni u lançua në prill të 2020-ës, në fillim të pandemisë së Covid-19, si një mënyrë që përdoruesit të luajnë lojëra dhe të marrin pjesë në grupet e lojërave./ B.A. – CNA.al





Lajmet e fundit nga