web counter
LEXO PA REKLAMA!

SHKARKO APP

App Store
Google Play

Thuram: Nuk më intereson reagimi i tifozëve të Milanit, e kam një objektiv

2023-07-31 17:41:07, Sport CNA

Marcus Thuram, u përfol se ishte shumë afër një kalimi te skuadra e Milanit, por gjithçka ndryshoi me dëshirën e lojtarit dhe ai vendosi të transferohej te rivalët e kuqezinjve, Interi.

Në një intervistë të dhënë së fundmi, sulmuesi u shfaq i lumtur për këtë aventurë të re, teksa zbuloi edhe objektivin që ka te zikaltërit.

I pyetur për reagimin e tifozëve te Milanit në derbi, Thuram deklaroi se nuk i intereson se ccfarë do të bëjnë rivalët.

“Unë punoj për të shënuar më shumë se 13 gola, dua ta kaloj këtë shifër me Interin.

E imagjinoja veten me fanellën zikaltër mbi supe që dy vite më parë, por u dëmtova. Drejtuesit e Interit më qëndruan pranë, më ngushëlluan pas dëmtimit. Është diçka që nuk e kam harruar. Kështu që e kisha të natyrshme të zgjidhja Interin.

Sigurisht që tifozët e Milanit janë të zemëruar me mua, por nuk ka fare rëndësi. Secili bën zgjedhjet e veta. Nuk jam i shqetësuar për ngacmimet dhe vërshëllimat që do të marr prej tyre. Bëhet fjalë për derbi, kështu që e njëjta gjë do të më ndodhte edhe nëse do të zgjidhja Milanin në vend të Interit.

Idhulli im është Adriano, më i kompletuari nga të gjithë. Ai dinte të bënte çdo gjë, e kam ndjekur gjithmonë me kënaqësi.”, deklaroi Thuram.





Lajmet e fundit nga