web counter
LEXO PA REKLAMA!

SHKARKO APP

App Store
Google Play

E fundit!

x

Nuk kishte si ndodhte ndryshe, goli i Asllanit përzgjidhet si më i bukuri i UEFA-s

2023-06-23 16:27:00, Sport CNA

UEFA ka përzgjedhur golin më të bukur të shënuar në ndeshjet e radhës kualifikuese për europianin “Gjermani 2024”. “Perla” e Kristjan Asllanit është vlerësuar maksimalisht nga tifozët të cilët e kanë zgjedhur si më të bukurin. Pas sondazhit të çelur në ëebsite-in zyrtar të UEFA-s, lojtari i përfaqësueses sonë ka marrë “flamurin” duke u ngjitur i pari në “podium”.

Kujtojmë që Shqipëria luajti kundër Ishujve Faroe, sfidë e cila u fitua me rezultatin 3-1 nga kuqezinjtë tanë. Kristjan Asllani shënoi në minutën e 51-të të takimit pas një goditje nga distanca. Ai kalibroi të majtën e tij duke gjetur trekëndëshin e portës kundërshtare.

Kombëtarja shqiptare aktualisht gjendet në vendin e dytë në Grupin E me 6 pikë, 1 më pak se Çekia kryesuese. Shpresat për një kualifikim të mundshëm në EURO 2024 janë vërtetë të mëdha me një grup që premton shumë. Pritet me interes të shihet se si kuqezinjtë tanë do të performojnë në dy ndeshjet e radhës me Poloninë dhe Çekinë.





Lajmet e fundit nga