web counter
LEXO PA REKLAMA!

SHKARKO APP

App Store
Google Play

Kastrioti shokon Kukësin, krutanët fitojnë me përmbysje në transfertë

2022-09-03 17:14:33, Sport CNA

Kukësi-Kastrioti 1-2 (Zivkoviç 61’ / Prenkoçeviç 69′, Mehmeti 90′)

Kastrioti shokon Kukësin në shtëpi dhe arrin të përmbysë vendasit, duke shënuar 2 gola të bukur me Prenkoçeviç dhe Mehmetin, që zhvlerësojnë golin e Zivkoviç, që zhbllokoi sfidën. Krutanët tregojnë forcë karakteri dhe marrin fitoren e parë në kampionat. Kukësi megjithëse ka luajtur më mirë, detyrohet të dalë pa pikë nga kjo sfidë.

90’ Gjyqtari akordon 5 minuta shtesë

90’GOOOOOOL Shënon Kastrioti në kufijtë e kohës së rregullt. Një goditje e bukur nga distanca e Mehmetit ka përfunduar në rrjetë

86; Godet Taipi brenda zonës por gjuajtja e tij është shumë e lehtë dhe Sali e pret pa problem

84’ Kukësi i shkon pranë golit të epërsisë në këtë takim. Gjelbrim Taipi godet nga një goditje dënimi, por topi i tij shkon ngjitur me shtyllën.

84′ Karton i verdhë për Kastriotin. Ndëshkohet Mehmeti

80’ Po zhvillohet një lojë e bukur në Kukës Arena, skuadrat janë hapur dhe të dyja synojnë që të fitojnë këtë takim

71’ Provon edhe Karakaçi nga distanca, por Tafas është në pozicion

69’ GOOOOOL Barazon Kastrioti me Prenkoçeviç, që dërgon topin në rrjetë pas një aksioni të bukur

61’ GOOOOOOl Zivkoviç shënon për Kukësin. Një asist i Taipit dhe sulmuesi zhbllokon sfidën

61’ Provon Taipi nga distanca por goditja e tij është jashtë kuadratit

57’ Kundërsulm i Kastriotit, që rrezikon portën kuksiane me një krosim nga e majta e sulmit

54’ Provon Kukësi  me Zivkoviç por gjuajtja e tij pritet nga portieri Sali

49’ Kukësi mundohet që të thyejë mbrojtjen e Kastriotit, që nuk gabon asgjë në prapavijë

46’ Nis pjesa e dytë në Kukës

45+2’ Mbyllet pa gola sfida në Kukës Arena. vendasit e nisin më mirë ndeshjen, por Kastrioti zgjohet në fund dhe i afrohet golit në disa raste.

45’ Gjyqtari akordon 2 minuta shtesë

45’ Rrezikon sërish Kastrioti. Mehmeti futet në zonë, por gjuajtja e tij është e pasaktë

42’ Rast i artë për Kastriotin. Tafas bën mrekullinë, duke pritur gjuajtjen e sulmuesit krutan

39’ Aksion i gjatë i Kukësit, që finalizohet me gjuajtjen e Taipit, por gjuajtja e tij grushtohet nga portieri Sali

35’ Kastrioti ka rritur lojën dhe tashmë mendon edhe për sulmin, por pa paraqitur rrezik në portën e Tafas

29’ Korne për Kastriotin. Kroson Mehmeti, godet Morbek dhe Kastrioti i afrohet golit të parë

25’ Karton i verdhë për Karakaçin. Kapiteni i Kastriotit bën një ndërhyrje të gabuar në mesfushë

21’ Kukësi dominon lojën, por sërish nuk po arrin që të afrohet rrezikshëm në portën e krutanëve

16’ Kastrioti për pak sa nuk shënon në portën e vet, topi ndalet në shtyllë

10’ Skuadrat studiojnë njëra-tjetrën. Kukësi zotëron topin, por mungojnë rastet e pastra për shënim

5’ Korne për Kukësin. Vendasit luajnë më mirë dhe mundohen që të rrezikojnë portën kundërshtare

1’ Nis sfida në “Kukës Arena”

Pas një starti jo të mirë Kukësi dhe Kastrioti (kanë nga një pikë në renditje) synojnë që të marrin trepikëshin e parë në kampionat.

KUKËSI – Tafas; Haxhiu, Ferreira, Bytyçi, Ndreca; Moraesh, Gj. Taipi, Hasaj; Meksi, Zivkoviç, Giasi. Trajner: Skënder Gega.

KASTRIOTI – Sali; Kodra, Stojanoviç, A. Selmani, Rami; Hasani, Karakaçi, Prenkoçeviç; Xh. Mehmeti, Morbek, Zogaj. Trajner: Emiljano Çela.





Lajmet e fundit nga