web counter
LEXO PA REKLAMA!

SHKARKO APP

App Store
Google Play

E fundit!

x

Nagelsman tërbon Interin përpara ndeshjes së Champions-it: Janë si… Union Berlini!

2022-09-03 11:21:19, Sport CNA

Union Berlin-Bajern Mynih do të jetë kryendeshja e javës së 5- të në Bundesligën gjermane.

Të dyja ekipet vijnë si kryesuese pas 4 betejash, me nga 10 pikë, por bavarezët qëndrojnë më lart në pjesën e golavarazhit.

Edhe pse të besuarit e Nagelsmanit kanë shënuar 16 gola në 4 javët e para, sërish nuk kanë arritur të sigurojnë pikë e plota, aty ku Mynshengladbah dhuroi surprizën javën e shkuar në mitikun e rekordmenëve gjermanë “Allianz Arena”.

Nga ana tjetër berlinezët vijnë pas goleadës ndaj Shalkes me shifrat tenistike në transfertë 6-1, nga ku do përpiqen të thyejnë mallkimin dhe rrëmbejnë fitoren e parë në historinë ndaj supremëve të Bundesligës.

Ekipet nuk janë rivale vetëm me pikë, por edhe më gola, të dyja ruajnë vendet e para edhe për gola të realizuar, konkretisht Bajern me 16, i ndjekur me 11 të Unionit.

Sfida e “Stadion An der Alten Försterei” nuk pritet të jetë e lehtë për Mane me shokë, aty ku edhe trajneri Julian i trembet, por edhe analizon faktorë të ndryshëm si takimi me Unionin, gjendja e ekipit, rikthimi i Goreckës, Kingsli Koman dhe për ta mbyllur me supersfidën e Champions-it, ndaj italianëve të Inter.

NDESHJA – “Berlinezët kanë treguar qetësi dhe motivim në këtë fillim sezoni. Nuk është rastësi që ata të ndajnë vendin e parë me ne.

Shikoni transferimet e kryera nga ana e tyre, janë shumë dinakë, kanë rrëmbyer lojtarë të përshtatshëm për skemën e kundërsulmit, do ta shikojmë të gjithë se sa të organizuar janë si ekip.

Tifozëria vendëse do t’i shërbejë si armë shtesë dhe jam plotësisht i bindur që do ta shfrytëzojnë në maksimun”, mbyllte lëvdatat për rivalët.

RIKTHIMI I GORECKËS – “E prisja me padurim rikthimin ë Leonit në fushë, por goli në Kupë ndaj Viktorias ishte si qershia mbi tortë, pas një mungese të gjatë.

Fatmirësisht gjithçka kaloi dhe ai ndodhet gati. Jam i sigurt se goli do t’i jap marsh akoma më tepër në vazhdimësi.

Forma e treguar në stërvitje është fakt se me çfarë potenciali rigjenerues Bajern do të prezantohet në betejat e ardhshme, nisur nga përplasja me Unionin.

Gorecka e ka treguar se sa efekt ka mbi ekipin, pavarësisht kualitetit në atë repart, fundja çdokush ka vendin dhe rolin e vet”. 35- vjeçari u bë nostalgjik edhe për kohën kur ai përkëdhelte topin si profesionist, por jo me një histori të bukur:

“Nëse e mbani mend, edhe unë kam vuajtur nga dëmtimet, madje ato kanë ndikuar për ta përfunduar karrierën më shpejt nga sa pritej, por kjo nuk do të thotë se edhe 27-vjeçari do të mbartë të njëjtën fat.

KEQKUPTIMI I SALIHAMIXHIÇIT – Nagelsmani u përpoq të luajë rolin e “PR” në deklaratën e nxituar të drejtorit sportiv, Hasan Salihamixhiç, se seancat stërvitore të Bajernit janë më të forta nga ndeshjet në Bundesligë:

“Salihamixhiç është person fantastik, por nuk do të thotë se ai nuk bën gabime, jemi njerëz dhe të gjithë nxitohemi. Brazo duhet të gëzojë respekt më të madh ndaj kampionatit vendës.

Nuk mendojë se përcjell mesazh fyese, mbase dëshironte të pohonte se përqendrimi dhe rëndësia në seancat stërvitore pasqyrojnë shpirtin e garës”.

KINGSLI KOMAN – Ishtekniku i Lajpcigut gjeti momentin e duhur të shprehte dy fjalë edhe për xhevahirin 26- vjeçar, Kingsli Koman:

“Kingsli është Kingsli, nuk kam fjalë të përshkruajë atë djalosh, më i miri në rolin e vet. Çdokush lumturohet kur ka në gjirin e vet talent të klasit botëror. Të gjithë kemi qenë dëshmitarë se si performanca e francezit ka evoluar vit pas viti”.

INTER – Eethet e Champions-it nuk mund të evitoheshin edhe pse para është ndeshja ndaj Unionit:

“Inter ka të njëjtën përqasje me filozofin e Unionit, besoj do të jenë teste që do të na shërbejnë shumë dhe për të kuptuar gjendjen e kolektive”, theksonte Julian.

Deklarata e 35- vjeçarit mund të nënkuptohet edhe si përbuzje ndaj italianëve, duke i konsideruar në një nivel me modestët e Unionit.





Lajmet e fundit nga