web counter
LEXO PA REKLAMA!

SHKARKO APP

App Store
Google Play

E fundit!

x

Ish-sulmuesi i Interit nuk ka dyshime: Lukakun do ta mbaja vetëm nëse ma falin

2023-03-13 20:20:01, Sport CNA

Romelu Lukaku është kthyer në një temë të nxehtë te Interi. Sulmuesi belg u kthye më shumë dëshirë për të bërë mirë te zikaltrit me të cilët u shpall kampion dhe arriti kulmin e karrierës së tij. Por lojtari i kthyer nga Çelsi nuk ka qenë në lartësinë e duhur dhe shumëkush mendon se ai duhet të bëjë prapakthehu në Angli.

I këtij mendimi është edhe ish-sulmuesi i Interit, Nikola Ventola. “Çfarë do të bëja me Lukakun? Nëse ma falin, në rregull, e mbaja. Përndryshe, është e drejtë që klubi të bëjë vlerësimet e tij. Romelu nuk është më shumë i ri, ndoshta është e leverdishme që të shkohet dhe merret një tjetër Lautaro, unë do ta bëja një zgjedhje të tillë”, tha ai në një intervistë për “Tuttosport”.

“Tani nuk është më një problem fizik, por një problem koke. Ai nuk ndjehet më lideri i skuadrës, nuk ndjehet thelbësor, e di që nuk mund të gabojë më. E di që sot me Inzagin duhet të fitojë vendin në formacion, ndërsa me Konten ishte titullar fiks. Atëherë shënonte gol pas goli dhe kishte një siguri të madhe. Në futboll është e rëndësishme mendja dhe ai tani nuk ndjen besimin e plotë ndaj tij” theksoi Ventola në fjalët e tij.





Lajmet e fundit nga