Golavarazhi -20, zbuloni ekipi me rekordin më negativ në Champions League

2022-11-02 08:11:37, Sport CNA

Një aventurë turpëruese për Gllazgou Rejnxhër në grupet e Champions-it. Kampionët e Skocisë, tani janë zyrtarisht skuadra më e keqe e Championsit pas humbjes që pësuan ndaj Ajaks me rezulatin 1-3, në raundin e fundit të ndeshjeve në grupe.

Klubi skocez nuk arriti të fitonte qoftë një pikë në gjashtë ndeshjet e zhvilluara: pësuan dy humbje me rezultatin 3-0 ndaj Napolit; 2-0 nga Liverpuli në Anfield dhe 7-1 në shtëpi; 4-0 nga Ajaksi në Amsterdam dhe 3-1 në Gllazgou.

Djemtë e Van Bronkohrst kanë pësuar 22 gola gjithsej, ndërsa kanë shënuar vetëm dy me një rekord negativ -20. Para ndeshjes së fundit me Ajaksin, Rejnxhër e kishte golavarazhin -18 pasi kishin pësuar 19 gola dhe shënuar vetëm një herë në pesë ndeshjet e mëparshme.

Kjo diferencë do të thoshte se ata ishin vetëm një gol më keq se ekipi kroat, Dinamo Zagreb, i cili e përfundoi sezonin 2012/13 në fazën e grupeve të Ligës së Kampionëve pa pikë dhe me golaverazh negativ -19.

Klubi çek, Viktoria Plzen, ishte gjithashtu në prag të thyerjes së rekordit negativ këtë mbrëmje. Po të pësonin edhe dy gola më shumë, do të kishin një statistikë edhe më të keqe se Rejnxhers, gjithsesi, rekordin negative për sa i përket golavarazhit në fazën e grupeve e mban pikërisht Rejnxhërs.