E fundit!

17:27 POLITICS

Këlliçi denounces Jet Bank again: Lack of transparency since day one, serious reason for investigations

Democratic MP and DP Vice President, Belind Këlliçi, raise...

“Fati s'ka qenë me ne”, Temitope: Nuk më keni zbuluar ende, e ndalim Flamurtarin

2022-11-01 22:18:49, Sport CNA

Pas pushimit të detyruar, Skënderbeu ka nisur përgatitjet për javën e 9-të të kampionatit. Me një ndeshje më pak se kundërshtarët dhe 5 pikë diferencë nga kreu, bardhekuqtë kërkojnë të lënë pas barazimin në shtëpi ndaj Besëlidhjes.

Synohet vetëm fitorja, ndonëse në radhë kanë Flamurtarin. Megjithëse përballë një kundërshtari që nuk po njeh rivalë dhe po mban një ecuri tejet pozitive, në kampin korçar janë të bindur se gjithçka mund të kthehet në favorin e tyre.

Për sulmuesin Abdul Temitope, barazimi i fundit ka qenë vetëm një mungesë fati për korçarët, që sipas tij i kanë pasur mundësitë të mbyllin takimin dhe të siguronin pikët e plota. Gjatë një deklarate të dhënë për “Panorama Sport”, ai e analizon kështu ndeshjen e fundit: “Jemi ndier keq pas atij barazimi, që nuk ishte rezultati i duhur për atë ndeshje. Kemi krijuar shumë volum loje dhe duhet të kishim siguruar tri pikët që në pjesën e parë, por fati nuk ka qenë me ne. Kemi shpërdoruar shumë raste dhe na kanë mohuar golin e dytë në disa momente kundërshtarët. Nuk mund të them se na kanë vjedhur, kanë merituar gjithçka, por ndeshja ka qenë në dorën tonë”.

FLAMURTARI – Në ndeshjen e radhës, bardhekuqtë do të kërkojnë maksimumin. Duke qenë se luajnë në shtëpi, nuk shohin rezultat tjetër. I këtij mendimi është edhe nigeriani i ofensivës, i cili nuk ngurron që të japë edhe një mesazh për rivalët.

“Flamurtari është një ekip i cili ka bërë shumë mirë ndeshjet e fundit, ndaj edhe ne jemi të paralajmëruar për këtë takim. Kjo javë mund të them se na ka penalizuar disi pasi na ka mbajtur larg ritmit javor, por në të njëjtën kohë na ka krijuar mundësinë që të përgatisim me qetësi ndeshjen e radhës. Unë e shoh si një betejë të fortë, pavarësisht se asgjë nuk përcaktohet në këtë takim. Luajmë në shtëpinë tonë dhe duhet të japim maksimumin. Çdo javë që kalon ndihem më mirë pasi po familjarizohem më shumë me grupin. Keni ende kohë për të zbuluar Temitopen e vërtetë”, premtoi autori i tre golave me Skënderbeun.