web counter
LEXO PA REKLAMA!

SHKARKO APP

App Store
Google Play

Gati firma, vendoset e ardhmja e trajnerit Inzaghi

2024-03-29 13:11:00, Sport CNA

Gati firma, vendoset e ardhmja e trajnerit Inzaghi

Sukseset e arritura nga skuadra e Interit, nën drejtimin e trajnerit Simone Inzaghi, kanë bindur drejtuesit për të rinovuar kontratën.

Teknikut italian, i skadon kontrata aktuale në vitin 2025, por palët kanë gjetur gjuhën e përbashkët, për zgjatjen e bashkëpunimit.

Sipas mediave italiane, Inzaghi do të firmosë kontratën e re, e cila do të jetë e vlefshme deri në vitin 2027. Bashkë me zgjatjen në kohë të bashkëpunimit, Inzaghi do të rriste edhe fitimin vjetor , nga 5.5 mln euro neto që merr aktualisht , do të shkonte 6.5 mln euro neto.

Kjo do të jetë hera e tretë që Inzaghi rinovon me Interin, skuadër të cilën e drejton nga viti 2021.

Teksa priten të festojnë titullin e 20-të, tek Interi e janë të lumtur me ecurinë që skuadra ka treguar nën drejtimin e 47-vjeçarit.

Rinovimi me Inzaghin, vjen në një moment kur emri i ish-trajnerit të Lazios, është lidhur me klube të mëdha në Europë, si Manchester United dhe Barcelona, që gjithashtu janë në kërkim të një trajneri.

Nën drejtimin e skuadrës së Interit, Inzaghi numëron 4 trofe të fituara, dy kupa Italie dhe dy Superkupa. Gjithashtu sukses shumë i rëndësishëm është edhe ai i sezonit të kaluar, kur shkuan deri në finalen e Ligës së Kampioneve, ku u mposhtën nga Manchester City.

Edhe këtë sezon, Interi ka treguar paraqitje shumë të mira, teksa është shkëputur ndjeshëm në garën për titullin kampion, ku duken se nuk kanë rivalë dhe presin vetëm të sigurohet matematikisht.





Lajmet e fundit nga