web counter
LEXO PA REKLAMA!

SHKARKO APP

App Store
Google Play

Tirana kërkon fitoren ndaj Teutës, dy rikthime te bardheblutë

2024-03-29 11:55:00, Sport CNA

Tirana kërkon fitoren ndaj Teutës, dy rikthime te bardheblutë

Pas fitores në derbi ndaj Dinamos dhe pauzës së Kombëtareve, Tirana do të kërkojë fitoren e dytë radhazi në kampionat. Bardheblutë sfidojnë Teutën, një kundërshtar që shpesh i ka hapur probleme.

Pritet të jetë një sfidë e luftuar nga të dyja ekipet, ashtu siç e pranoi edhe trajneri Erbim Fagu para ndeshjes. Tekniku i kryeqytetasve, deklaroi se skuadra ka objektiva madhorë dhe do të kërkojë maksimumin.

Në prag të përballjes me Teutën, Fagu ka rikthime të rëndësishme në skuadër. Najdovski dhe Hoxhallari, duelojnë mes tyre për një vend në formacion, së bashku me Lulajn, Haxhiun dhe Përgjonin.

Nga stoli pritet ta nisë këtë përballje, sulmuesi Patrik, i cili duket se ka humbur balotazhin me Nikqin.

Dy fitore radhazi për Tiranën, mungojnë prej disa javësh dhe kryeqytetasit, do të kërkojnë të thyejnë këtë “ters”. Në rast ndëshkimi ndaj Teutës, janë dy lojtarë te Tirana, që rrezikojnë përballjen e ardhshme me Skënderbeun. Bëhet fjalë për mesfushorin Lushkja dhe portierin Kozi, të cilët janë në limitet e kartonëve.

Vlen të përmendet se bardheblutë janë sulmi më i mirë i kampionatit, me 48 gola të shënuar në 28 javë, por janë shumë keq në mbrojtje, pasi kanë 44 gola të pësuar, më shumë se edhe Kukësi i vendit të fundit. Ndërkohë verilindorët përballen këtë të premte me skuadrën kryesuese, Egnatian në Rrogozhinë.





Lajmet e fundit nga