web counter
LEXO PA REKLAMA!

SHKARKO APP

App Store
Google Play

Rikthehen reshjet e shiut/ Parashikimi i motit për sot dhe nesër

2022-08-21 08:05:00, Sociale CNA

Rikthehen reshjet e shiut/ Parashikimi i motit për sot dhe nesër

Shqipëria do të jetë në ndikimin e kushteve të paqëndrueshme atmosferike, duke bërë që moti të jetë me vranësira të dendura duke rrezikuar rrebeshe afat-shkurta shiu, më të dukshme në zonat veriore dhe veriperëndimore.

Herë pas here do të ketë interval me kthjellime.

Parashikohet që kjo situatë meteorologjike të vijojë edhe gjatë orëve në vijim ku vranësirat do të jenë prezent duke rrezikuar rrebeshe shiu në pjesën më të madhe të vendit.

Orët e vona të mbrëmjes sjellin përmirësim gradual të motit.

Temperaturat e ajrit do të rriten lehtë në mëngjes por ulen në mesditë duke luhatur vlerat ditore nga 14°C deri në 33°C.

Era do fryjë mesatare deri e fortë me shpejtësi 45 km/h nga drejtimi verior dhe verilindor duke krijuar në brigjet det dallgëzim mbi 3 ballë.

Ndërsa nesër me  22 gusht 2022, sipas MeteoAlb, deri në mesditë, vendi ynë do të jetë në ndikimin e moti të vranët dhe intervaleve të shkurtra me kthjellime.

Pritet që pas -mesdite vranësirat të shtohen gradualisht duke gjeneruar shira ku herë pas here do të jenë rrebeshe.

Më të dendura në zonat veri-verilindore. Parashikohet që kushtet e paqëndrueshme atmosferike të na shoqërojnë edhe gjatë natës.

Temperaturat e ajrit do të ulen në mëngjes por rriten lehtë në mesditë duke luhatur vlerat ditore nga 13°C deri në 34°C.

Era do fryjë e mesatare dhe e fortë në det me shpejtësi 50 km/h nga drejtimi Jugor – Jugperëndimor, ku më e pranishme do të jetë në detin Jon duke krijuar dallgëzim 3 - 4 ballë./CNA.al





Lajmet e fundit nga