web counter
LEXO PA REKLAMA!

SHKARKO APP

App Store
Google Play

Del sondazhi/ Cili ishte problemi më i madh i shqiptarëve gjatë pushimeve

2022-10-14 22:36:21, Sociale CNA

Del sondazhi/ Cili ishte problemi më i madh i shqiptarëve gjatë

Për shqiptarët që kanë bërë pushime këtë verë, problemi kryesor që kanë hasur janë çmimet e larta.

Në sondazhin e kryer nga Barometri në Euronews Albania, çmimet e larta kanë qenë problem për 90.9% të pushuesve. Një problematikë tjetër për 32.6% të pushuesve ka qenë trafiku i shtuar, i cili as këtë verë nuk ka munguar sidomos në zonat bregdetare.

Mungesa e plazheve publike në vendin tonë vijon të jetë një problematikë për 29.3% të pushuesve. Por as mbetjet dhe mungesa e pastrimit nuk mbeten mbrapa duke u kthyer në shqetësim për 19.7% të pushuesve.

Ngjarjet e kësaj vere kanë dëshmuar që problematike mbetet edhe siguria, shqetësim ky që është evidentuar nga 15.4% e pushuesve. Një problematikë tjetër për 10.1% të të anketuarve ka qenë zhurma dhe për 9% të tyre në listën e shqetësimeve është shërbimi jo i mirë.

Nga shqiptarët që kanë pushuar këtë verë, vetëm 1.5% janë shumë të kënaqur. 49.9% e pushuesve janë ndarë të kënaqur nga pushimet e kësaj vere. Ndërsa 34.8% e të pyeturve janë shprehur se nuk janë as të kënaqur e as të pakënaqur. Ndërkohë, 13.4% e të anketuarve janë ndarë të pakënaqur me pushimet që kanë bërë.

Gjetjet janë të Barometrit në Euronews Albania, realizuar gjatë periudhën 9-21 shtator 2022, kryer nga MRB dhe Data Centrum, në nivel kombëtar me 1000 intervista ballë për ballë.

Del sondazhi/ Cili ishte problemi më i madh i shqiptarëve gjatë





Lajmet e fundit nga