web counter
LEXO PA REKLAMA!

SHKARKO APP

App Store
Google Play

“Zëri i qytetarëve do mbizotërojë në Elbasan”/ Meta: Do të bëjmë një fushatë model

2023-03-08 17:37:00, Politikë CNA

“Zëri i qytetarëve do mbizotërojë në

Kreu i Partisë së Lirisë, Ilir Meta u shpreh në një takim me strukturat e kësaj partie në Elbasan se me figurat e PD dhe PL në zgjedhjet e 14 majit, ky qytet “do të demonstrojë një vizion të sigurt drejt rimëkëmbjes”.

Meta  premtoi një fushatë model për 14 majin ku tha se “zëri i qytetarëve do mbizotërojë në drejtimin e Bashkisë”.

“Unë besoj se Elbasani me një kryebashkiak të ri si Luçiano Boçi që tashmë është një figurë e shquar, Elbasani me figura të tilla do të arrijë që të demonstrojë një vizion të sigurt për rimëkëmbjen e tij të shpejtë për të shprehur të gjitha potencialet që ka Elbasani në zhvillim. Dje për 7 mars u detyrova të tregoja disa shifra tronditëse ku nuk jemi ndalur për të kuptuar ku jemi ne në raport me të ardhmen dhe me vendet e rajonit gati 20% ka rënë nga viti 2021 numri i atyre që mbarojnë shkollat e mesme dhe të larta në Shqipëri ndërsa në vendet e tjera të rajonit ka përmirësimet të ndershme dhe kjo ndodh sepse cilësua e shkollës dhe e edukimit është në nivele mjaft të përkeqësuara por edhe mbështetja ndaj të rinjve lë shumë për të dëshiruar shumë lënë shkollën sepse nuk përballojnë dot kostot e jetesës, unë besoj se me Rudinë dhe me shumë intelektuale si ajo ne të krijojmë një qendër të re graviteti për zhvillimet në Elbasan.

Pushtetet e paligjshme përjashtojnë qytetarët nga qeverisja vendore dhe qendrore, ne jo vetëm do të bëjmë një fushatë model por pas fitores do të jenë garancia se zëri juaj i grave dhe nënave dhe qytetarëve do të mbizotërojë në drejtimin e Bashkisë për mbajtjen e premtimeve dhe njëkohësisht për ta vendosur Bashkinë në funksionin tuaj. Do të kemi në krye të fushatës gra të zonja dhe intelektuale sepse besojmë te fuqia e ideve dhe njëkohësisht besojë se përmes këtyre zonja japim mundësi ta bëjmë më njerëzore këtë politikë kaq të egër, ta bëjmë më të përkushtuar”, tha Meta./CNA.al





Lajmet e fundit nga