Vokshi tregon prapaskenat e protestës/ “Na kanë goditur, i kam këmbët e nxira”

2023-02-14 20:50:00, Politikë CNA

Vokshi tregon prapaskenat e protestës/ “Na kanë goditur, i kam

Deputetja e Partisë Demokratike, Albana Vokshi ka treguar prapaskenat e protestës së djeshme të thirrur nga PD.

Vokshi ka rrëfyer se si protestuesit dhe figurat politike janë shtyrë dhe u është hedhur spraj nga policia dhe se ajo i ka këmbët e nxira.

Ndër të tjera ajo tregoi se protestusit ishin të papërmbajtshëm e të zemëruar dhe donin të hynin në Parlament.

"Sot kanë bërë një pretendim tjetër për përjashtimin e 4 deputetëve të tjerë. Dje kishte urdhëruar gardën që të mos na lejonin të hynim në parlament. Jemi bllokuar në një akt anti-kushtetues për të hyrë në parlament sepse Edi Rama ka frikë nga fjala e lirë. Mezi i kemi mbajtur protestuesit sepse ishin të zemëruar. Ishim duke i përmbajtur. Qytetarët kërkonin të, ne nuk jemi për dhunë. Jemi shtypur, jemi shtyrë, na kanë goditur, na kanë hedhur spraj, unë i kam këmbët e nxira. Pas këtij provokimi të Ramës ne jemi përpjekur të mbanim turmën që kërkonte me çdo kusht të hynte në parlament. Nuk do ketë dhunë nga ne", theksoi ajo.

Për sa i përket çështjes së vulës në Partinë Demokratike, Vokshi u shpreh se ka një vendim të marrë në 25 mars, i cili nuk po zbatohet me urdhër të Ramës.

"Berisha e ka çuar non-gratën në gjykatë ndërkombëtare, është provuar që ajo ka qenë e lobuar. Qytetarët janë të bindur që Rama është kryeministri më i korruptuar. Është çështje e pluralizmit në këtë rast, kauza është përtej demokracisë, është për rrëzimin e këtij regjimi. Prandaj Sali Berisha futi primaret siç e premtoi, pra vota përzgjidhte kandidatët tanë. Ka një vendim të marrë në 25 mars, aty është vula, statuti, logoja e PD-së që me urdhër të Edi Ramës nuk po zbatohet, nuk e cakton asgjë gjyqtar se kush është Partia Demokratike.

KQZ e ka krejt të thjeshtë. Kemi bashkangjitur vendimin e gjykatës, janë dokumente të mjaftueshme që të bëhet regjistrimi i PD-së për zgjedhjet. Berisha është shumë demokrat në mbledhje, thotë që të japim mendime në mbledhje dhe në fund votuam për protestën e radhës”, tha Vokshi./ CNA.al